Eger balanyń anasy jumys istemese, oǵan bala týǵannan keıin járdemaqy taǵaıyndalady. Bul týraly Eńbek jáne halyqty áleýmettik qorǵaý mınıstrligi habarlady.
Dúnıe esigin ashqan birinshi, ekinshi, úshinshi balaǵa - 95 950 teńge, tórtinshi jáne odan da kóp balaǵa – 159 075 teńge birrettik memlekettik járdemaqy beriledi.
2018 jyly osyndaı járdemaqy 395 myń adam aldy. Sońǵy 3 jylda bul járdemaqynyń kólemi 38% ósti. 2019 jyly osy járdemaqyny tóleýge 42 mlrd. teńge qarastyrylǵan. Aı saıyn tólenetin 1 jasqa deıingi bala kútimi boıynsha járdemaqy, kezek retine oraı aı saıyn beriletin járdemaqy kólemi 14 544 teńgeden 22 473 teńgeni qurady.
2018 jyldyń qortyndysy boıynsha 30 mlrd teńge kólemindegi bul járdemaqyny 125 myń adam aldy. Sońǵy 3 jylda járdemaqynyń kólemi 19%-ǵa ósken.
2019 jyly bul járdemaqyny tóleýge 34 mlrd. teńge bólingen.
Tólemaqyny taǵaıyndaý úshin Halyqqa qyzmet kórsetý ortalyǵyna júginý qajet, sondaı-aq, Úkimettiń elektrondy portaly arqyly da rásimdeýge bolady. Onymen qosa, 2018 jyly Eńbek jáne halyqty áleýmettik qorǵaý mınıstrligimen bala týý boıynsha jańa qyzmet túri engizildi. Endi azamattar jolǵa, uzyn-sonar kezekke ýaqytyn ketirmeı, qujattaryn jınap júrmeı-aq járdemaqyny 5 mınýttyń ishinde sms habarlama arqyly rásimdeı alady. Habarlama ananyń uıaly telefonyna kelip túsedi.