Eń tynysh el – Qazaqstan!

Seısenbi, 8 mamyr 2012 7:45

Men Qazaqstan halqy Assambleıasynyń barlyq sessııasynyń qatysýshysymyn. О́zim kýá bolǵan osy tarıhı sátter, tarıhı jıy­lystyń árqaısysy da ózindik ereksheli­gimen meniń jadymda. Bul jolǵy sessııa bizdiń barlyǵymyz úshin asa mańyzdy da maǵy­naly bolýymen quny bólek desem, qateles­pesim anyq.

Seısenbi, 8 mamyr 2012 7:45

Men Qazaqstan halqy Assambleıasynyń barlyq sessııasynyń qatysýshysymyn. О́zim kýá bolǵan osy tarıhı sátter, tarıhı jıy­lystyń árqaısysy da ózindik ereksheli­gimen meniń jadymda. Bul jolǵy sessııa bizdiń barlyǵymyz úshin asa mańyzdy da maǵy­naly bolýymen quny bólek desem, qateles­pesim anyq.

Elbasymyz Nursultan Nazarbaev osy sessııada sóılegen sózinde tek QHA múshe­lerine ǵana emes, búgingi bizdiń beıbit qo­ǵam­da ómir súrip otyrǵan árbir qazaq­stan­­dyq azamatqa aldaǵy mańyzdy baǵyt­tardy kórsetip bergendigin aıtýymyz kerek. Tu­raq­tylyq, Birlik, Jańǵyrtý – bul bizdiń elimizdiń búgingi beınesi jáne bolashaǵy­myzdyń kepili. Nursultan Ábishulynyń ár sózi osyndaı naqty ustanymdardan turady jáne ýaqyt óte kele Elbasy sóziniń stra­tegııalyq mańyzy asa qundy ekendigine kózi­miz jete túsetini kúmánsiz.

Munan ózge, Elbasy Qazaqstan halqy Assambleıasy quramyndaǵy árbir etnomádenı birlestikterdiń keleshekte ustanar berik usta­nymyn da aıqyndap berdi. Álemdik órke­nıet­ke óz beınemizdi tanytý úshin aǵylshyn tiline jetik bolyp, elaralyq qatynasta orys tili­niń kómegine qalaı súıensek, barsha­myzdyń qazaqstandyq ekendigimizdi tanytatyn qazaq tiline de meılinshe úles qosyp, memlekettik tildiń aıasyn keńeıtý jolynda qoǵam bolyp kúsh salýymyz kerektigin jet­kizdi. Biz Prezıdentimizdiń bul tapsyrmasyn buljyt­paı oryndaıtynymyzǵa senim­dimiz. Onyń aıǵaǵy retinde, sessııa kezinde úziliske shyq­qan túrli ult ókilderiniń qazaq tilinde bir úıdiń balalaryndaı shúıirkelesip jatqan sátin kórip kóńil sendirdik.

Bul sessııada sóılegen Elbasy sóziniń taǵy bir ereksheligi, ekonomıkalyq áleýet pen saıası qarym-qatynasty nyǵaıtýdan ózge, elimizdiń bolashaǵy – jastardyń búgini men erteńine asa mán berýdi tapsyrǵandyǵy. Biz jas urpaqty elin súıetin, memleketiniń bir múshesi retinde óz jaýapkershiligin tereń túsi­netin rýhy bıik, jas maman etip tárbıe­leýimiz kerek. Bizdiń bolashaǵy­myzdyń bilimdi hám bilikti bolyp qalyptasýy aldyńǵy býyn ókilderi – bizderdiń moınymyzda.

Prezıdent bir sózinde burynyraq tarıhı otandaryna ketip, qaıtadan qazaq dalasyna, Qazaq eline oralyp jatqan otbasylar týraly da aıtyp ótti. О́zimniń de týystarym Volgogradtan qaıta kóship kelgen­dikten, Elbasynyń aıtqandarynyń aqıqat ekendigine taǵy da kóz jetkizdim. Ras, qaıda barmaıyq, biz Qazaqstan sekil­di beıbit­shiligi men yntymaǵy, berekesi men birligi jaras­qan qoǵam tappaıtynymyz anyq. Syrt elderdegideı ásire ult­shyldyq, tapqa bólý, shettetý sekildi keleńsizdikterdiń biz­diń qoǵamnan kóleń­kesin de kórmeısiz.

Eń tynysh el, barshamyzdyń ortaq úıimiz – Qazaqstan! Keleshek urpaqqa osy tatý­lyq pen yntymaqty aıalap jetkizý peshenemizge buıyrsyn demekpin.

Alekseı SEHOVOI, «Halyqaralyq aqparattandyrý akademııasy» qoǵamdyq birlestiginiń birinshi vıse-prezıdenti, Q.Sátbaev atyndaǵy QazUTÝ professory.

Almaty.