Batyr bala eki búldirshindi qutqaryp qaldy

«Araıdyń daýsyn estigen boıda úıge kirip bardym. Qoıý tútin aralas órt ishinde bir buryshta kórshimniń 6 ja­sar qyzy men 3 jasar uly qat­­ty qorqyp júre almaı otyr eken. Jaraqat alǵan qo­ly­­ma qaramastan dereý bi­reýin kóterip, ekinshisin je­tek­­tep qaýipsiz aımaqqa alyp shyq­tym. Sý berip, qutqa­rý sharal­aryn jasadym. Qaı­ǵy­ly jaǵ­daıdyń aldyn alýy­ma mektep qabyrǵasynda órt qaýipsizdigi týraly oqyp-­úırengendigimniń paıdasy tıdi», deıdi Baqytjan Qudaı­qululy.

Batyr bala anasyna 101 je­lisine habarlasýyn eskertken. Alaıda, órt sóndirý qyz­met­­kerleri jetkenshe úıdi laý­la­ǵan órt qushaǵyna alyp úlgergen. 16 aqpanda Abaı aýda­ny­nyń Qursaı shaǵyn aýda­nyn­daǵy úılerdiń birinde órt shyqqany týraly habarlama saǵat 16.39-da kelip tús­ti. О́rt sóndirý qyz­me­tiniń 14 adam­nan qural­ǵan toby Jańa­qurylys kóshesindegi ýaqyt­sha salynǵan úıdegi (vremıanka) 60 sharshy metrdi shar­­pyǵan órtti 2 saǵatta són­dirdi.

Tótenshe jaǵdaı qyzmeti taratqan aqparat boıynsha órt saldarynan adam shyǵyny oryn alǵan joq. Buǵan basty sebepker – qutqarýshy bala», deıdi mamandar.

Osylaısha aıdyń-kúnniń amanynda kórshi balanyń er­jú­rek­tiginiń arqasynda eki búl­­dirshin ata-anasymen qaı­ta qaýyshty. «Balalardyń qat­ty qoryqqany bolmasa, jaǵ­daılary jaqsy. О́rt bolǵan kezde úıde ata-anasy bolǵan joq. Mamandar órt­tiń sebebin anyq­taýda», deıdi Tó­tenshe jaǵ­daılar departamen­tiniń ókili Madııar Eleýsizuly. 

Baqytjannyń synyp je­­tekshisi Baqytgúl Lekero­vanyń aıtýynsha, batyr bala tórt aǵaıyn­dy balanyń ken­jesi eken. Sy­nypta tek belsen­diligi­men kózge túsip júretindigin jetkizdi.

«Oqýshymyzdyń bul áre­keti óz qatarlastaryna úl­ken ónege bolary anyq. Se­be­bi, janyp tur­ǵan otqa jas bala túgil úl­ken­­­derdiń ózde­ri tiksinbeı kirýi múm­kin emes. Synypta aınala­­­syna meıi­rim shýaǵyn shashyp júre­tin Baqytjannyń tárbıe sa­ǵattaryna qatysýy da bel­sen­di. Bilim uıasy osyndaı batyr perzenttermen maqtana alady», deıdi synyp jetekshisi.

Qalalyq TJD basshysy Nur­bolat Derbisov batyr ul­dy ar­naıy Alǵys xatpen marapattady, sondaı-aq «Erligi úshin» medalimen marapattaý úshin eli­miz­diń IIM atyna jáne arnaıy alǵys xatpen marapattaý úshin qalalyq ákimdikke usynys joldady.

Departament basshysy er­júrek balanyń bul áreketi biz­ge úlken kómek boldy deı­di. «Bo­­lashaqta daıyn qutqa­rý­shy bo­lýǵa suranyp tur. Sa­­lalyq jo­ǵary oqý oryn­dar­­yna túsýine keńes beremiz ári qol­­daımyz», deıdi N.Der­bisov.

О́rttiń neden týyndaǵany da keıinnen anyqtaldy. Negi­zinde úıdegi alty jasar qyz ben úsh jasar ul ottyqpen oı­nap otyryp, artynsha órtke ulasqan. О́zderi óshirmek bolǵan órt ulǵaıa túsken.

Tótenshe jaǵdaılar depar­ta­­mentiniń qyzmetkerleri Kur­saı shaǵyn aýdanynda bir­neshe ret reıdtik is-sharalar ótkizgen. Shahardyń shaǵyn aýdandarynda órt apattarynyń jıi oryn alatynynyń sebebi, kóptegen úıdi jylytý úshin qatty otyn paıdalanylady.

Nurshat TО́KEN,

«Egemen Qazaqstan»

ShYMKENT