Qazaqstannyń barlyq aýmaǵynda atmosferalyq aýa aǵymdardyń ótýine baılanysty qubylmaly aýa raıy bolady dep habarlaıdy «Qazgıdromet» RMK.
Osyǵan baılanysty respýblıkanyń ońtústiginiń keı jerlerinde qatty jaýyn-shashyn kútiledi. Respýblıka boıynsha tuman, kóktaıǵaq, burqasyn kútiledi, jel kúsheıedi.
Aqmola, Soltústik Qazaqstan oblystarynyń keı jerlerinde tuman túsip, kóktaıǵaq kútiledi, jeldiń ekpini túnde keı jerlerinde 25 m/s jetedi.
Qostanaı, Pavlodar, Qaraǵandy, Batys Qazaqstan oblystarynyń keı jerlerinde tuman, kóktaıǵaq kútiledi, jel 15-23 m/s kúsheıedi.
Atyraý, Aqtóbe, Shyǵys Qazaqstan oblystarynyń keı jerlerinde jaıaý burqasyn, tuman, kóktaıǵaq bolyp, jeldiń kúshi 15-22, Shyǵys Qazaqstan oblysynda kúndiz ekpini 25 m/s jetedi.
Jambyl, Túrkistan, Qyzylorda oblystarynyń keı jerlerinde tuman, kóktaıǵaq kútiledi, jel 15-20, Túrkistan oblysynda kúndiz ekpini 25 m/s jetedi. Mańǵystaý oblysynyń keı jerlerinde burqasyn, kóktaıǵaq kútiledi, jel 17-22 m/s kúsheıedi. Almaty oblysynda keı jerlerde tuman, kóktaıǵaq kútiledi.