Búgin Qazaqstannyń basym oblystarynda jaýyn-shashyn kútiledi. Bul týraly «Qazgıdromet» RMK baspasóz qyzmeti habarlady.
«Qazaqstan barlyq aýmaǵynda atmosferalyq frontaldy bólikterdiń ótýine baılanysty turaqsyz aýa raıy kútiledi, respýblıkanyń ońtústiginde keı jerlerde qatty jaýyn-shashyn bolady. Respýblıka boıynsha keı jerlerde tuman, kóktaıǵaq, burqasyn, jeldiń kúsheıýi saqtalady», - dep habarlady sınoptıkter.
Astanada qubylmaly bultty, túnde qar jaýady, kúndiz jaýyn-shashyndy (kóbine qar jaýady). Keı jerlerde kóktaıǵaq, jaıaý burqasyn soǵady. Ońtústikten, ońtústik-batystan 9-14 m/s jel turady, ekpini 15-20 m/s. Aýa temperatýrasy túnde -6-8, kúndiz 0 shamasynda.
Almatyda qubylmaly bultty, túnde qar jaýady. Túnde jáne erteńgisin tuman. 0-5 m/s jel turady. Aýa temperatýrasy túnde -2-4, kúndiz +4+6.
Shymkentte kúndiz jáne túnde qar aralas jańbyr jaýady, 3-8 m/s jel turady. Aýa temperatýrasy kúndiz +10+12, túnde -1+1.
Soltústik Qazaqstan oblysynda kúndiz azdaǵan qar aralas jańbyr jaýady, túnde qar jaýady. Keı jerlerde tuman, kóktaıǵaq, túnde keı jerlerde jel turady, kúndiz basym bóliginde 15-20 m/s jel turady. Aýa temperatýrasy kúndiz -4+1, túnde -5-10.
Aqmola oblysynda kúndiz azdaǵan qar aralas jańbyr jaýady, túnde qar jaýady. Keı jerlerde tuman túsedi, kóktaıǵaq, túnde keı jerlerde jel kúsheıedi, kúndiz basym bóliginde 15-20 m/s deıin jetedi, ekpini 25 m/s. Kúndiz -3+2, túnde -5-10.
Qostanaı oblysynda kúndiz jáne túnde qar jaýady. Keı jerlerde tuman, kóktaıǵaq, 15-23 m/s jel turady. Kúndiz 0-5, túnde -5-10.
Qaraǵandy oblysynda jaýyn-shashyndy, keı jerlerde tuman, kóktaıǵaq, 15-23 m/s jel turady. Kúndiz -3+2, túnde -5-10.
Shyǵys Qazaqstan oblysynda keı jerlerde jaýyn-shashyn kútiledi, jaıaý burqasyn soǵady, tuman, kóktaıǵaq, 15-22 m/s jel turady, kúndiz ekpini 25 m/s deıin jetedi. Kúndiz -3+2, túnde -7-12.
Batys Qazaqstan oblysynda keı jerlerde jaýyn-shashyn kútiledi, tuman, kóktaıǵaq, 15-23 m/s jel turady. Aýa temperatýrasy kúndiz jáne túnde -2-7.
Almaty oblysynda túnde qar jaýady, keı jerlerde tuman túsedi, kóktaıǵaq. Kúndiz +2+7, túnde -1-6.
Jambyl oblysynda túnde azdaǵan qar jaýady, tuman túsedi, kóktaıǵaq, 15-20 jel turady. Kúndiz +5+10, túnde 0-5.
Pavlodar oblysynda jaýyn-shashyndy, kúndiz keı jerlerde tuman kútiledi, kóktaıǵaq, 15-23 m/s jel turady. Kúndiz -2+3, túnde -5-10.
Túrkistan oblysynda jaýyn-shashyn kútiledi, tuman túsedi, kóktaıǵaq, 15-20 m/s jel turady, kúndiz ekpini 25 m/s jetedi. Aýa temperatýrasy kúndiz +7+12, túnde -1+4.
Qyzylorda oblysynda jaýyn-shashyndy, keı jerlerde – qatty. Keı jerlerde tuman, kóktaıǵaq, túnde basym bóliginde 15-20 m/s jel turady, ekpini 25 m/s jetedi, kúndiz keı jerlerde 15-20 m/s bolady. Kúndiz 0+5, túnde -3+2.
Mańǵystaý oblysynda qar aralas jańbyr jaýady, keı jerlerde burqasyn soǵady, kóktaıǵaq, 17-22 m/s jel turady. Kúndiz jáne túnde 0-5.
Atyraý oblysynda qar jaýady dep kútilýde, jaıaý burqasyn soǵady, tuman, kóktaıǵaq, 15-22 m/s jel turady. Kúndiz jáne túnde –3-8.
Aqtóbe oblysynda qar jaýady, keı jerlerde jaıaý burqasyn soǵady, tuman, kóktaıǵaq, 15-22 m/s jel turady. Kúndiz 0-5, túnde -2-7.
«Aldaǵy táýlikte respýblıkanyń ońtústigindegi, ońtústik-shyǵysyndaǵy taý mańy ózenderinde sý deńgeıiniń kóterilýi múmkin. Qyzylorda oblysynyń mańyndaǵy Syrdarııa ózeninde muz qatý úrdisi ary qaraı álsireıdi, sý deńgeıi qubylady. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi», - dedi sınoptıkter.