Qazaqstannan úırenerimiz bar – deıdi Qyrǵyzstan halqy Assambleıasy keńesiniń tóraǵasy

Qazaqstannan úırenerimiz bar – deıdi Qyrǵyzstan halqy Assambleıasy keńesiniń tóraǵasy

Senbi, 12 mamyr 2012 8:05

Qazaqstan Respýblıkasynyń Prezıdenti janyndaǵy Memlekettik basqarý akademııasynyń Etnosaralyq jáne konfessııaaralyq salany zertteý jónindegi ortalyǵynda Qazaqstan halqy Assam­bleıasy atynan saılanǵan Parlament Májilisiniń depýtattary, As­sambleıanyń Ǵylymı-saraptamalyq keńesi músheleri, akade­mııa­nyń magıstranttary Qyrǵyz Respýblıkasynyń Prezıdenti Almaz­bek Atambaevtyń elimizge resmı sapary aıasynda Astanaǵa kelgen delegasııa­synyń quramyndaǵy Qyrǵyzstan halqy Assambleıasy keńesiniń tóraǵasy, Qyrǵyz Respýblıkasy Prezıdentiniń keńesshisi Bektemir Mýrzýbraımovpen kezdesti.

 

Senbi, 12 mamyr 2012 8:05

Qazaqstan Respýblıkasynyń Prezıdenti janyndaǵy Memlekettik basqarý akademııasynyń Etnosaralyq jáne konfessııaaralyq salany zertteý jónindegi ortalyǵynda Qazaqstan halqy Assam­bleıasy atynan saılanǵan Parlament Májilisiniń depýtattary, As­sambleıanyń Ǵylymı-saraptamalyq keńesi músheleri, akade­mııa­nyń magıstranttary Qyrǵyz Respýblıkasynyń Prezıdenti Almaz­bek Atambaevtyń elimizge resmı sapary aıasynda Astanaǵa kelgen delegasııa­synyń quramyndaǵy Qyrǵyzstan halqy Assambleıasy keńesiniń tóraǵasy, Qyrǵyz Respýblıkasy Prezıdentiniń keńesshisi Bektemir Mýrzýbraımovpen kezdesti.

Kezdesý Qyrǵyzstan hal­qy Assambleıasynyń basta­ma­symen baýyrlas eki el assambleıalary arasyndaǵy ekijaqty qarym-qatynasty nyǵaıtý, Qazaqstannyń má­denıetaralyq únqatysý sa­la­syndaǵy jetistikterimen, etnosaralyq tolerant­ty­lyq­tyń qazaqstandyq úl­gi­simen jáne Qazaqstan halqy Assambleıasy qyzmetimen, onyń Parlamenttegi ókil­di­gimen, sondaı-aq, QHA-dan saılanǵan depýtattar ju­my­symen keńinen tanysý maqsatynda uıymdas­ty­ryl­dy.

Jıyn barysynda taraptar etnosaralyq tolerant­ty­lyq pen qoǵamdyq kelisimdi bekitý boıynsha gý­ma­nıtarlyq saladaǵy birlesken áriptestikke, memleket, óńir turaqtylyǵyn qamta­ma­syz etýge qatysty bir­qa­tar máseleni talqy tara­zysyna saldy.

«Men bul sapar aıasynda «ALJIR» memorıaldy-mu­rajaı keshenin araladym, onda bolǵannan keıin kóńi­limiz túsip ketkendeı bol­dy. Árıne, qanshama zaman ótse de, qanshama urpaq almassa da, tarıh eshqashan umytylmaıdy. Ásirese, keleshek býyn úshin, jastar úshin tarıhtyń alatyn orny úlken. Bul murajaı sony­sy­men qundy. Sondaı-aq, men QHA Hatshylyǵynda ótken kezdesýge qatystym. Kezdesý barysynda Hat­shy­lyq basshylyǵymen pikir almasýlar boldy. Budan bir jyl buryn, ıaǵnı 2011 jyl­dyń 20 maýsymynda Qazaq­stan halqy Assambleıasy men Qyrǵyzstan halqy As­sambleıasy arasyndaǵy yn­tymaqtastyq týraly memo­randýmǵa qol qoıylǵan edi. Bul memorandýmǵa sáıkes, taraptar qos memlekettiń dostyǵyn nyǵaıtý úshin árip­testik qarym-qatynas­tyń qajettiligin moıyndaı kele, gýmanıtarlyq, máde­nıet jáne mádenı mura, ózara únqatysý baǵyttary boıynsha tájirıbe almasý áleýetin paıdalana otyryp, etnosaralyq jáne konfes­sııa­aralyq qatynastar sala­syndaǵy birlesken is-sha­ralardy iske asyrýdy kelisken bolatyn», dedi B. Mýr­zýbraımov. Ol óz sózin­de búginde eldiń Jogorký Keneshinde 120 depýtat bolsa, onyń 15-i túrli etnos ókilderinen turatynyna toq­taldy. Onyń aıtýynsha, ótken jyly QHA-nyń Qyr­ǵyzstanǵa sapary bary­syn­da etnosaralyq tolerant­ty­lyqtyń qazaqstandyq úlgisi keńinen tanystyrylǵan. «Biz qazaqstandyq úlgini tu­tastaı kóshirip alýdy kóz­demeımiz. Alaıda, bul salada Qazaqstannan kóp nárse úırenýge bolatyn sekildi. Etnosaralyq jáne kon­fes­sııaaralyq tatýlyqtyń qa­zaqstandyq úlgisi dúnıe­jú­zilik aýqymda keńinen tany­mal. Etnosaralyq másele­ler­men aınalysatyn mun­daı uıymnyń balamasy álem­de joq dese de bolady. Biz osy úlgini óz elimizde qoldaný úshin de basshy­lyqqa almaqpyz. Máselen, Qyrǵyzstan halqy As­sam­bleıasy janynan ǵylymı-saraptamalyq keńes qurý oıymyzda bar. Eń bastysy, Ortalyq Azııa óńirinde, Qazaqstanda beıbitshilik, tu­raqtylyq, ózara túsinis­tik bolǵanyn qalaımyz. Osy baǵytta Qazaq elinen, onyń tájirıbesinen úıre­ne­tin tusymyz kóp», dedi Qyr­ǵyzstan halqy Assambleıasy keńesiniń tóraǵasy.

Qazirgi tańda eki el ara­synda etnosaralyq ynty­maqtastyqty damytý máse­le­leri boıynsha tyǵyz baı­lanys ornatylǵan. Máse­len, bıylǵy jyldyń naý­ryz aıynda QHA delega­sııa­synyń Qyrǵyz Respýb­lı­ka­syna jasaǵan eki kúndik ju­mys sapary, sapar aıasynda «Qazaqstan men Qyrǵyz­stan­nyń etnosaralyq qa­ty­nastar salasyndaǵy memlekettik saıasaty» atty ha­lyq­aralyq semınardyń uıym­dastyrylýy osynyń dáleli der edik.

Astanaǵa sapary aıasyn­da B.Mýrzýbraımov Ulttyq akademııalyq kitaphanadaǵy QHA depozıtarııin tamashalap, «Atameken – Qazaq­stan kartasy» etnomádenı murajaı-keshenin aralady.

Láıla EDILQYZY,

«Egemen Qazaqstan».