Tótenshe jaǵdaılar departmenti О́rt qaýipsizdigi salasyndaǵy baqylaý jáne profılaktıkalyq qyzmet basqarmasynyń málimetinshe, bul kúnderi óńirdegi qalalar aýyldarda, aýdan ortalyqtarynda órt qaýpinen saqtanýǵa baǵyttalǵan profılaktıkalyq is-sharalar jalǵasýda.
Oblys boıynsha reıdterge barlyǵy 244 adam qatysty. Úı-úıdi aralap shyǵýmen peshpen jylytatyn jeke turǵyn úı sektorynyń 3938-den astam otbasy qamtyldy.
Aksııa barysynda 11 myńnan astam adamdy qamtıtyn nusqaýlyqtar men áńgimeler ótkizildi.
Reıdtiń túsirilimi «Irbıs», «Ertis» TK telearnalarynyń tilshileri júrgizdi. Top reıd barysynda óńir turǵyndarymen kezdesip, órt qaýipsizdiginiń negizgi erejelerin túsindiredi.
Peshti durys paıdalaný jáne tunshyqtyrǵysh gazben ýlanýdan qalaı saqtaný kerektigi jóninde eskertedi.
Sondaı-aq, turmysy tómen jáne kóp balaly otbasylarǵa tútin joldaryn tazalaý boıynsha kómek kórsetiledi. Ol úılerge gaz datchıkterin ornatýda.
Tótenshe jaǵdaılar departmenti qyzmetkerlerimen birge «Turǵyn úı sektoryndaǵy órt qaýipsizdigi kúni» sharasyna aýmaqtyq bólimder ókilderi, «Jas Otan» Jastar qanatynyń eriktileri, «Qyzyl Jarty Aı qoǵamy» QB, halyqqa gazben qyzmet kórsetetin «FLLID» JShS kásipornynyń qyzmetkerleri, Ulttyq Ulanynyń №5512 áskerı bóliminiń áskerı qyzmetshileri qatysýda.
Farıda BYQAI,
«Egemen Qazaqstan»
PAVLODAR