Baýyrlastyq baýraıy

Juma, 8 maýsym 2012 7:44

ÁSEM ÁLEM – ÁZERBAIJAN!

Keshe Beıbitshilik jáne kelisim saraıynda ótken Ázerbaı­jan­nyń Qazaqstandaǵy mádenıet kúnderiniń ashylý saltanatyna QR Mádenıet jáne aqparat vıse-mınıstri Asqar Bóribaev pen Ázerbaıjannyń Mádenıet jáne týrızm vıse-mınıstri Sevda Mámedálıeva qatysyp, sóz sóıledi. Arqa tósinde bastalyp, Alataýdyń baýraıynda jalǵasatyn dýmandy sherý maýsymnyń 9-y kúni Jambyl atyndaǵy Qazaq memlekettik fılarmonııasynyń Ortalyq konsert zalynda ótetin gala-konsertpen túıindeledi.

Juma, 8 maýsym 2012 7:44

ÁSEM ÁLEM – ÁZERBAIJAN!

Keshe Beıbitshilik jáne kelisim saraıynda ótken Ázerbaı­jan­nyń Qazaqstandaǵy mádenıet kúnderiniń ashylý saltanatyna QR Mádenıet jáne aqparat vıse-mınıstri Asqar Bóribaev pen Ázerbaıjannyń Mádenıet jáne týrızm vıse-mınıstri Sevda Mámedálıeva qatysyp, sóz sóıledi. Arqa tósinde bastalyp, Alataýdyń baýraıynda jalǵasatyn dýmandy sherý maýsymnyń 9-y kúni Jambyl atyndaǵy Qazaq memlekettik fılarmonııasynyń Ortalyq konsert zalynda ótetin gala-konsertpen túıindeledi.

«Meniń búgin Astanaǵa bi­rin­shi ret kelýim. Astananyń túrki áleminiń mádenı astanasy bolyp jarııalanýy tegin emes. Sebebi, Astana – arman qala, dedi Ázer­baı­jan Mádenıet jáne týrızm vıse-mınıstri S.Mámedálıeva BAQ ókilderine bergen suhbatynda, – Meniń taǵy bir baıqaǵanym, qa­lada qurylys jumystary óte qar­qyndy júrip jatyr eken. Adam qyzyǵarlyq tamasha sáýlet nysandary turǵyzylypty. Biraz jerdi aralap kórdim. Qazaqtar eńbekqor halyq eken. Jańadan sa­lynǵan qala bolǵanmen zamanaýı megapolısterdiń eshbirinen qa­lyspaıdy. Mundaı astanada ómir súrýdiń ózi adam úshin zor már­tebe. Osynyń bári Qazaq eliniń Tuńǵysh Prezıdenti Nursultan Nazarbaev­tyń ıdeıasymen júzege asyp jatqan jobalar ekeni daýsyz.

Ázerbaıjan men Qazaqstan­nyń arasyndaǵy baýyrmaldyq baı­lanystyń tamyry tereńde ja­tyr. Bul ult kósemi Geıdar Álıev­tiń tusynda bastalǵan týys­tyq qarym-qatynas der edim, óıtkeni eki el basshylarynyń bir-birine degen qurmeti keremet bolatyn. Qazir de sol baıaǵy dostyq qa­rym-qatynas oıdaǵydaı jal­ǵa­syn taýyp keledi. Qazaqstan Ázer­baı­jannyń halyqaralyq jo­bala­ryna qashanda qoldaý kórsetýden tanǵan emes. Ásirese, mádenı salada barys-kelis damyp keledi. Sizder bizderdiń jobalarymyzǵa, biz sizderde ótetin halyqaralyq festıvaldar men vokaldyq baı­qaýlarǵa qatysyp turamyz. Ki­taphanalar men mýzeıaralyq tá­jirıbe almasýlar udaıy toq­taǵan emes. Qaraǵandy oblystyq teatrynda ázerbaıjan dra­ma­týrgynyń shyǵarmasy sahnalandy. Muny TÚRKSOI Halyq­ara­lyq uıymynyń Bas hatshysy Dúısen Qaseıinov tamashalady. Osynyń ózi qazaqtardyń ázer­baı­jan ónerine kórsetken úlken qur­meti dep esepteımin».

Bıyl elorda kelbeti ózgeshe naqyshqa bólenip, «Astana – túr­ki áleminiń mádenı astanasy» atandy. Aqpandaǵy saltanatty jıynǵa túbi bir túrki jurtynan qonaqtar kelip qatysty. Jalpy, túrki órkenıetin qalyptastyrýda shyǵarmashylyq toptardyń qaty­sýymen ótetin halyqaralyq fes­tıval syndy sharalardyń ózi úlken ról atqaryp, túbi túrki jur­tynyń ejelden tamyrlas, rýhtas ekeni sezilýde. El Pre­zı­denti Nursultan Nazarbaev Qa­zaq­stan halqyna Joldaýynda: «Astana 2012 jyly túrki álemi­niń mádenı Astanasy bolyp jarııalandy. Osy halyqaralyq is-sharalardy laıyqty ótkizýimiz ke­rek» degen bolatyn. Ázer­baı­jannyń Qazaqstandaǵy mádenıet kúnderi osy maqsattyń ómirdegi aıqyn kórinisi ispetti áser qal­dyrady. Tar, nagara, kanon syndy dástúrli mýzykalyq aspaptarda oınaıtyn ansambl «Sary gálın» ánin, Ázerbaıjan Memle­ket­tik bı ansambli «Iаlla» bıin, sondaı-aq Sımara Imanova, Sabýhı Ibaev syndy óner she­ber­leri «Dılkásh», «Aı, Dılbár», «Olmasaıdy», «Karabah shıkestesı» sııaqty tańdaýly shyǵar­ma­lardy joǵary deńgeıde oryndap berdi. Meımandardyń ja­nyń­dy jahutqa bóleıtin jaıdary óneri Astanaǵa túrki ór­ke­nıetiniń ortalyǵy deýge laıyq­ty turpat berip, Beıbitshilik jáne kelisim saraıy shyǵystyq maqamǵa malyndy.

Túrki jurty bir-birin ne úshin izdep jatyr, murat-múddesin bi­riktirýine ne sebep degen saýal týady. Eń aldymen aıtarymyz, búgingideı jahandaný zamanynda kim-kimge de týǵan tildiń tolǵaǵy basty máselege aınalyp otyr. Ádet-ǵuryp pen salt-dástúrde, dás­túrli mýzyka men til máse­le­sin­de ózara birlesip, oılasyp sheshetin jáıtter barshylyq. Ha­lyqtyq ıgilikti, ortaq qazynany korǵap, saqtaý úshin de túbi túrki jurtynyń birligine kóp nárse baılanysty bolyp otyr. Tarıh sabaǵy rýhanı qanaty qaıy­ryl­ǵan halyqtyń qalyby buzylaryn aqaýsyz jetkizedi. Bul rette ázer­baıjan mádenıeti men óne­ri­nen qaımaǵy buzylmaǵan ónegeni, tunyǵy shaıqalmaǵan bulaqty baıqadyq. Tanymal óner she­berleri merekelik keshte ulttyq mýzykanyń injý-marjandaryn oryn­dap, ónerdiń qaı salasynda bolsyn ózderiniń halyqtyq káý­sardan qanyp ishken urpaqtyń jalǵasy ekendikterin ańǵartty. Qaı shyǵarma da shynaıy rýhynda shyrqaldy. Ázerbaıjannyń Memlekettik bı ansambli, ult-aspaptar ansambli, F.Amırov atyn­daǵy Memlekettik án-bı ansambliniń balet toby ázer­baı­jan halqynyń burynǵy dástúrli mádenıeti men jańǵyrǵan keıingi keıpiniń tutas beınesin qamtyǵan baǵdarlama usyndy. Jalpy, ázer­baıjan mýzykasy men sahnalyq óneri degende, qazaq kórermeni aldymen Ý. Gadjıbekovtiń esimin aıtary sózsiz. «Arshyn mal alan» spektakli kúni búginge deıin kó­rermenniń súıip tamashalaıtyn birden-bir sahnalyq qoıylymy desek, keńestik zamannyń ózinde-aq zor qurmetke ıe, estrada jul­dyzy Polad Bıýl-Bıýloglynyń esimin bilmeıtin birde-bir qazaq­standyq joq shyǵar. Aıta bersek, eki halyq rýhanııatyna ortaq mundaı qymbat tulǵalar bar­shy­lyq. Mádenı jaqyndasýlar sol ónegeni ármen qaraı jalǵas­ty­ra­ry­na senemiz.

Qarashash TOQSANBAI,

«Egemen Qazaqstan».