Aýylǵa kelip ota jasady

Sársenbi, 13 maýsym 2012 7:49

Katonqaraǵaı aýylynda jańa jobaly aýrýhana úıiniń salynýy №2 MB-niń dárigerlerine jaqsy eńbek jaǵdaılaryn týdyrýmen qatar, naýqastarǵa kórsetiler me­dısınalyq kómek túrlerin keń­eı­­­týge de úlken múmkindikter be­rip otyr. Iаǵnı, aýrýhana úıi zamanaýı medısınalyq qural-jab­dyqtarmen jaqsy jabdyqtalǵan, jansaqtaý bólimi de bar. Kór­­shiles aýdandardaǵy áriptesteri­ne qaraǵandaǵy osyndaı artyq­­­shylyqtaryn ýaqytyly sezine bilgen birlestiktiń dırektory Arqabek Qadyrbaev aýdandyq, oblystyq deńgeılerde ótkizilip júrgen ártúrli jıyndarda ob­lys­­­taǵy bilikti mamandar aýylǵa kelip,

Sársenbi, 13 maýsym 2012 7:49

Katonqaraǵaı aýylynda jańa jobaly aýrýhana úıiniń salynýy №2 MB-niń dárigerlerine jaqsy eńbek jaǵdaılaryn týdyrýmen qatar, naýqastarǵa kórsetiler me­dısınalyq kómek túrlerin keń­eı­­­týge de úlken múmkindikter be­rip otyr. Iаǵnı, aýrýhana úıi zamanaýı medısınalyq qural-jab­dyqtarmen jaqsy jabdyqtalǵan, jansaqtaý bólimi de bar. Kór­­shiles aýdandardaǵy áriptesteri­ne qaraǵandaǵy osyndaı artyq­­­shylyqtaryn ýaqytyly sezine bilgen birlestiktiń dırektory Arqabek Qadyrbaev aýdandyq, oblystyq deńgeılerde ótkizilip júrgen ártúrli jıyndarda ob­lys­­­taǵy bilikti mamandar aýylǵa kelip, mundaǵy dárigerlerge is-júzinde kómek kórsetip, kúrdeli emes keıbir operasııalardy jer­gi­likti jerlerde jasaýǵa úıretse degen usynystar aıtqan bolatyn. Eń sońǵy ret ol osy máseleni ótken jyly О́skemende ótkizil­gen hırýrgtar qoǵamynyń kezekti bir keńesinde kóterip, esimi res­pýblıkamyzǵa ǵana emes TMD-ǵa jaqsy tanymal bilikti dáriger, oblystyń bas hırýrgi Áskertaı Tú­­selbaevtyń tarapynan qoldaý tapqan-dy. Endi mine, osy ıgi bastamanyń jemisin katondyqtar kóre bastady.

О́tken aptada ob­lystyq aýrý­ha­na­nyń bas hırýrgi Á.Tú­sel­ba­ev, proktologııa bóliminiń meń­ge­rý­­shisi M.Boshabaev, ob­­­lys­­tyq aýrýhananyń anestezolog-reanımatology, jerlesimiz G.Semenova, taǵy basqa maman-dá­ri­gerler­di Katonqaraǵaı aýdan­dyq №2 MB-ne ózi bastap kelip segiz naýqasqa tegin ota jasady.

 – Osydan birer kún buryn Katonqaraǵaıǵa issaparmen kelip, mundaǵy naqty jaǵdaıdy kózben kórip ketkenmin, – dedi Ás­ker­taı Silámuly. – Aýrýhana­lary­ jańa, qural-jabdyqtary da oblys­ta­ǵydan birde kem emes eken. Hı­rýrgııalyq kómekti qajet etetin naýqastardy anyqtap daıyndaýda da dárigerler jaqsy eńbek­te­nipti. Osy joly ót joldarynda tas bar, qan tamyrlary men tik ishekteri syrqattaryna da hı­rýr­gııalyq aralasý qajet degen segiz naýqasqa ota jasaýǵa keldik. Operasııalar oıdaǵydaı, sátti ótti. Aldaǵy ýaqytta da bul jańa bastamany jalǵastyra beremiz dep oılaımyn. Osy jyldyń shil­de aıynda jáne kúzinde qaıta oralamyz degen josparymyz bar.

Halyqqa turǵylyqty jer­le­rinde dárigerlik qyzmet kórsetý naýqastarǵa tıimdi. Birinshiden, olar uzaq jol júrip sharshamaıdy, О́skemen men eki ortaǵa ýaqyt ketirip, baryp-kelýge aqsha jum­sap shyǵyndanbaıdy. Al biz bol­saq, jergilikti mamandardyń kásibı biliktiligin joǵarylatýǵa kómektesemiz. Katonqaraǵaıǵa kel­­mes buryn hırýrgııa bóliminiń meń­­gerýshisi Serik Tokımov pen anestezolog-reanımatolog Ásel Qa­sy­movany oblystyq aýrýhanada eki apta tájirıbeden ótkiz­gen­biz. Endi, mine, olardyń óz ju­mys oryndarynda birge ota jasadyq. Úlken Narynnan Ásel Bulǵunova men Aqsýattan Baǵdan Orazhanov degen jas dáriger-hırýrgtardy da kórsin, úırensin degen nıetpen ózimizben birge alyp júrmiz.

Elbasymyz Nursultan Nazarbaev «Áleýmettik ekonomıkalyq jańǵyrtý – Qazaqstan damýynyń basty baǵyty» atty bıylǵy Jol­daýynda: «Medısınalyq qyz­­met kórsetýdiń qoljetimdiligi men sapasyn arttyrý, salamatty ómir saltyn alǵa bastyrý adamı ále­ýet­tiń deńgeıin arttyrýdyń kelesi bir mańyzdy baǵyty bolyp tabylady», – deı kele atalmysh sala­­nyń qyzmetkerleriniń aldyna úlken mindetter qoıǵan bolatyn. О́skemendik dárigerler Memleket basshysynyń talabyna osylaı naqty isterimen jaýap berýde.

Jánibek QYZYR.