Premer-Mınıstrdiń orynbasary – Qorǵanys jáne aeroǵarysh ónerkásibi mınıstri Asqar Jumaǵalıev Petropavl qalasyndaǵy jumys sapary kezinde otandyq qorǵanys-ónerkásip kesheniniń jetekshi kásiporyndaryna – Kırov atyndaǵy zaýyt (KaZ), Petropavl aýyr mashına jasaý zaýyty (PAMZ) jáne "ZIKSTO" AQ bardy.
Sapar barysynda Asqar Jumaǵalıev kásiporyndardyń óndiristik qyzmetimen jáne shyǵarylatyn ónim jelisimen tanysty. Sondaı-aq, "KaZ" jáne "PAMZ" AQ basshylary mınıstrdi nátıjeleri boıynsha ishki jáne syrtqy naryqtarǵa baǵdarlanǵan básekege qabiletti jańa ónim shyǵarýdy ıgeretin tehnologııalyq jańǵyrtý barysy týraly habardar etti.
О́z kezeginde, vıse-premer taıaýdaǵy 2 jylda osy zaýyttardy tehnologııalyq jańǵyrtýǵa 6,6 mlrd.teńge salynatynyn atap ótti.
"Memleket zaýyttardy jańǵyrtýǵa úlken qarjy bóledi. Osynyń arqasynda qosymsha 150 jańa jumys orny ashylady, bul óńirdiń áleýmettik-ekonomıkalyq damýy úshin óte mańyzdy. О́z kezeginde, biz sizden sapaly, básekege qabiletti ónim kútemiz", - dedi Jumaǵalıev.
Ol sondaı-aq kásiporyndarǵa qazirdiń ózinde ónimdi satý jáne uzaq merzimdi kepildendirilgen tapsyrystar alý úshin eksporttyq baǵyttardy oılastyrýdy tapsyrdy.
Premer - Mınıstrdiń orynbasary jumys sapary barysynda "ZIKSTO" AQ-da da bolyp, zaýyttyń óndiristik sehtaryn jáne kásiporynnyń ónimderin aralap kórdi. Zaýyttarǵa barý qorytyndysy boıynsha QR Premer-Mınıstriniń orynbasary – Qorǵanys jáne aeroǵarysh ónerkásibi mınıstri QО́K kásiporyndaryn damytý jóninde birqatar tapsyrmalar berdi.
Jumys saparynyń sońynda Asqar Jumaǵalıev Soltústik Qazaqstan oblysy ákiminiń qorytyndy esep berý kezdesýine qatysty.