Avstralııanyń Melbýrn qalasynda sporttyq gımnastıkadan álem kýbogi kezeńi bastaldy. Búgin, 21 aqpan kúni, sportshylar irikteý kezeńderine qatysady dep habarlaıdy Olympic.kz
17-25 aqpan aralyǵynda ótetin kýboktik kezeń Olımpıada oıyndaryna irikteý jarystarynyń biri bolyp sanalady. Melbýrndegi dodaǵa Qazaqstan sapynan Mılad Karımı, Narıman Kýrbanov jáne Akım Mýsaevqatysýda.
Qyzdar arasyndaǵy básekede Aıda Baýyrjanqyzy men Janerke Dúısek baq synaıdy.
Qazaqstan komandasy álem kýbogi kezeńine daıyndyqty Reseıdiń Penza qalasynda ótkizdi.
«О́tken jyly Narıman Kýrbanov at snarıadyndaǵy jattyǵý boıynsha osy týrnırdiń altyn medalin enshilegen. Bıyl Penzada ótken jattyǵý jıynynda ol óz baǵdarlamasyn odan ári qıyndatyp, E elementin qosty. Melbýrndegi álem kýbogi kezeńine Mılad Karımı men Akım Mýsaev ta qatysady. Karımı erkin jattyǵý, qol tirep sekirý, kerme men qolsyryqtaǵy jattyǵýda baq synaıdy. О́tken jyly Mılad qolsyryqtaǵy jattyǵýdan aýyr jaraqat alyp, biraz úzilisten keıin ǵana qatarǵa qosylǵanyn kópshilik umyta qoıǵan joq. Mýsaev erkin jattyǵýda, qol tirep sekirý, at pen qossyryqtaǵy jattyǵýda synǵa túsedi», - deıdi bas bapker Aleksandr Kım.