Búgin Májilistiń Ekologııa máseleleri jáne tabıǵat paıdalaný komıteti «Aral óńiriniń ekonomıkalyq, ekologııalyq jáne áleýmettik máselelerin zańnamalyq retteý» taqyrybynda dóńgelek ústel ótkizdi. Bul týraly Májilistiń baspasóz qyzmeti habarlady.
Otyrysty ashqan Ekologııa máseleleri jáne tabıǵat paıdalaný komıtetiniń tóraǵasy Gleb Shegelskıı óńirdegi gıdrorejımniń turaqtylyǵyn qamtamasyz etýdiń jáne Kishi Aral teńiziniń tuzdanýyna jol bermeýdiń mańyzdylyǵyna erekshe toqtaldy.
О́ıtkeni Aral óńiriniń áleýmettik-ekonomıkalyq damýyn turaqtandyrý boıynsha qabyldanatyn sharalarda Araldyń ekologııalyq jaǵdaıyn jaqsartý basty mindet bolyp tabylady. Osy oraıda, depýtat dóńgelek ústel taqyrybynyń ózektiligin, talqylanyp otyrǵan máseleniń aýqymdylyǵy men kúrdeliligin atap ótti.
Dóńgelek ústel jumysyn júrgizgen Májilis depýtaty Gennadıı Shıpovskıh Qyzylorda oblysynyń aǵymdaǵy jaǵdaıymen jáne sheshimin tappaı otyrǵan máselelerimen tanysý maqsatynda Aralda arnaıy issaparda boldy. Talqylanǵan taqyryptyń aıasynda energetıka vıse-mınıstri Sábıt Nurlybaı Aral problemasynyń ekologııalyq aspektisine toqtalsa, Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń tóraǵasy Qaıyr Ryskeldınov Aral óńirindegi balyq jáne orman sharýashylyqtarynyń damý máselelerimen tanystyrdy. Syrtqy ister mınıstrliginiń Erekshe tapsyrmalar jónindegi Elshisi Aıymdos Bozjigitov Aral problemasynyń halyqaralyq deńgeıde qarastyrylýy týraly sóz qozǵady. Otyrys barysynda Qyzylorda oblystyq máslıhatynyń hatshysy Naýryzbaı Baıqadamov Aral óńiri halqynyń ómir súrý sapasyn jaqsartýdyń birqatar máseleleri, Aqtóbe oblysy Shalqar aýdanynyń ákimi Baýyrjan Qanıev Aral problemasynyń Aqtóbe oblysynyń ekologııasyna áseri, onyń ishinde Shalqar kóliniń túbin tazartý týraly sóz sóıledi. Halyqaralyq Araldy qutqarý qorynyń Qazaqstan Respýblıkasyndaǵy Atqarýshy dıreksııasynyń dırektory Bolat Beknııaz Qordyń ótken jyldarda atqarǵan jumysynyń qorytyndylary jáne Aral óńiriniń ekologııalyq qaýipsizdigin eskere otyryp, sý qatynastaryn retteıtin quqyqtyq jáne ınstıtýsıonaldyq tetikterdi damytý boıynsha qabyldanýǵa tıis sharalar jóninde aıtyp berdi.
Ortalyq Azııanyń О́ńirlik ekologııalyq ortalyǵynyń Qazaqstan Respýblıkasyndaǵy Eldik keńsesiniń ókili Alına Maqsatova Aral teńizi basseıninde klımattyń ózgerýine beıimdelý jáne onyń saldaryn jumsartý jónindegi baǵdarlama týraly aqparat berdi. Atalǵan máseleni talqylaý barysynda dóńgelek ústelge qatysýshylar Aral óńiriniń ózekti sý-sharýashylyq jáne áleýmettik-ekonomıkalyq máselelerine basty nazar aýdardy.
Is-sharaǵa Májilis depýtattary, birqatar mınıstrlikterdiń, Qyzylorda, Aqtóbe oblystarynyń ákimdikteri, Halyqaralyq Araldy qutqarý qorynyń Qazaqstan Respýblıkasyndaǵy Atqarýshy dıreksııasy, Dúnıejúzilik bank, Azııa damý banki, Ortalyq Azııanyń О́ńirlik ekologııalyq ortalyǵynyń Qazaqstan Respýblıkasyndaǵy Eldik keńsesi, Birikken Ulttar Uıymynyń Aınaladaǵy Orta Jónindegi Baǵdarlamasynyń (IýNEP) ókilderi qatysty. Dóńgelek ústel jumysynyń qortyndylary boıynsha tıisti usynystar qabyldandy.