Senbi, 16 maýsym 2012 7:05
Mektep qabyrǵasynda júrip-aq «Bolashaq» baǵdarlamasy boıynsha shetelde bilim alýdy armandaıtynmyn. Biraq oqýǵa túse alamyn ba, joq pa degen ekiudaı pikirde boldym. Emtıhandardy oıdaǵydaı tapsyryp, Qazaq memlekettik medısına ýnıversıtetine oqýǵa túskennen keıin «Bolashaqty» baǵyndyrýdy shyndap oılana bastadym. Ərıne, synaqtan «súrinbeı» ótý ońaı emes. Bul jolda maǵan da biraz «terleýge» týra keldi. «Qulasań nardan qula» degendeı, men de birden densaýlyq saqtaý salasyndaǵy bedeldi oqý ornyna «en taqtym». Aıym ońymnan týyp, eńbegim esh ketpedi. A.N.Bakýlev atyndaǵy júrek-qantamyr hırýrgııasy ǵylymı ortalyǵynda bilim aldym.
Senbi, 16 maýsym 2012 7:05
Mektep qabyrǵasynda júrip-aq «Bolashaq» baǵdarlamasy boıynsha shetelde bilim alýdy armandaıtynmyn. Biraq oqýǵa túse alamyn ba, joq pa degen ekiudaı pikirde boldym. Emtıhandardy oıdaǵydaı tapsyryp, Qazaq memlekettik medısına ýnıversıtetine oqýǵa túskennen keıin «Bolashaqty» baǵyndyrýdy shyndap oılana bastadym. Ərıne, synaqtan «súrinbeı» ótý ońaı emes. Bul jolda maǵan da biraz «terleýge» týra keldi. «Qulasań nardan qula» degendeı, men de birden densaýlyq saqtaý salasyndaǵy bedeldi oqý ornyna «en taqtym». Aıym ońymnan týyp, eńbegim esh ketpedi. A.N.Bakýlev atyndaǵy júrek-qantamyr hırýrgııasy ǵylymı ortalyǵynda bilim aldym.
Búgingi tańda men Qazaqstan ǵana emes, búkil Ortalyq Azııadaǵy mańdaıaldy emdeý mekemesiniń birine aınalǵan «Ulttyq ǵylymı kardıohırýrgııa ortalyǵy» AQ-da qyzmet atqaramyn. Ortalyqtyń negizgi qyzmeti ınnovasııalyq medısınalyq tehnologııalardy qoldana otyryp, joǵary mamandandyrylǵan kardıologııalyq jáne kardıohırýrgııalyq kómek kórsetýge baǵyttalǵan, sonymen qatar kardıohırýrgııa, ıntervensııalyq kardıologııa salalarynda naýqastarǵa ambýlatorııalyq tekserýden bastap, joǵary mamandandyrylǵan kómek kórsetýge, keshendi ońaltýǵa deıin ǵylymı-aǵartý jumysymen de aınalysady. Buǵan qosa, Ortalyq respýblıkanyń aımaqtyq kardıologııalyq jáne kardıohırýrgııalyq ortalyqtary men bólimderine ádistemelik-uıymdastyrý jáne keńes berý kómekterin kórsetedi. Ashylǵanyna bir jyl endi tolǵanyna qaramastan, ortalyǵymyzǵa shetelderden kelip, em alyp jatqan azamattar barshylyq, olardyń sany bolashaqta arta bererine senimim mol.
Kardıohırýrgııalyq ortalyq bazasynda 2011-2014 jyldar aralyǵynda qazirgi zamanǵy dıagnostıkalyq zertteýlerdi qoldanyp týabitken jáne keıin paıda bolǵan syrqattardy hırýrgııalyq emdeý boıynsha 20-ǵa jýyq ınnovasııalyq medısınalyq tehnologııalardy engizý josparlanǵan. Ulttyq ǵylymı kardıohırýrgııalyq ortalyǵynda jylyna orta eseppen 2 000 operasııa jasaý kózdelip otyr.
«Armansyz adam – qanatsyz quspen teń» demekshi meniń de bala armanym oryndalǵany haq.
Darhan SÚIGENBAEV,
dáriger-kardıohırýrg.