Aqmola oblysy taýar óndirýshileriniń ónimderi brendke aınaldy. Bul týraly aımaq basshysy Málik Myrzalın turǵyndar aldyndaǵy esepti kezdesýinde málim etti. Bul týraly QazAqparat HAA habarlady.
Aımaq basshysynyń aıtýynsha, ótken jyly óńirde qaıta óńdeý sektoryna 26 mıllıard teńge ınvestısııa tartyldy. Iаǵnı, aldyńǵy jylmen salystyrǵanda tórt esege artyq. Onyń ishinde basty ınvest joba - ol «Makınsk qus fabrıkasy» JShS jobasy.
Jobynyń ekinshi kezeńi júzege asyrylǵan 2020 jyly kásiporyn elimizdiń qus etine degen ishki suranysynyń 15 paıyzyn jaýyp, ımport úlesin 30 paıyzǵa azaıtady. Búgingi kúni qus fabrıkasynda bir adamǵa eńbek ónimdiligi 25 myń dollardy quraıdy. Al, ekinshi kezeńi iske qosylǵan kezde bul kórsetkish 1,5 esege ulǵaıady Keleshekte kásiporynda jobanyń úshinshi kezeńi júzege asyrylyp, óndiris qýatyn 100 myń tonnaǵa jetkizý josparda bar.
Aıtalyq, azyq-túlik óndirisiniń kólemi ótken jyly 80 mıllıard teńgege artty. «Bıylǵy jyly «Ýrojaı» JShS jarma óndirisin iske qosady. Budan bólek, «Moloko Sınegore» jáne «Nátıje» JShS jańǵyrtý arqyly óndiristi qalpyna keltirdi. Al, «Eco Milk» jóndeý jumystary júrgizilýde», - dep atap ótti oblys ákimi. Aıta ketý kerek, Aqmola oblysy taýaróndirýshileriniń ónimderi brendke aınaldy. Búgingi kúni Astana qalasynda 5 «AQMOL» dúkeni jumys isteıdi. Bıylǵy jyly taǵy úsheýin ashý josparlanyp otyr.