ÁLEM О́TKEN APTADY

Munaıǵa talas Argentınaǵa jaqyn bolsa da, Folklend araldary Ulybrıta­nııa­ǵa qaraıdy. Budan biraz bu­ryn Argentına ony ózine qaı­tarmaq bolǵan edi, aǵylshyndar áskerinen oısyraı jeńilis tapqan. Sol mańda taǵy da qaq­ty­ǵys bolar qaýip týyp tur. Uly­brıtanııa kompanııalary sol aral mańynan munaı izdeı bas­taǵanda, Argentına oǵan qarsy­lyq bildirdi. Aral aǵylshynǵa qaraǵanymen, onyń mańyndaǵy jer ózderiniki dep otyr. Uly­brı­ta­nııaǵa qarsy kúsh qoldanýǵa shama joq, sonan soń olar araǵa tú­sińder dep BUU-ǵa shaǵym bildirdi. Grekııa – ereýilde Sársenbi kúni búkil Grekııada jumys toqtap qaldy dese de bola­dy – 5 mıllıondaı halyq ereýilge shyqty. Bul ­– búkil el halqynyń jartysyna jýyǵy, jumys isteıtinderdiń barlyǵy derlik. Jeke menshik jáne mem­le­kettik menshik sektorlarynyń ókilderi yntymaqtasa áreket etti. Mekemeler, mektep, bank, qoǵam­dyq kólik jumys istemedi. Talap – bıýdjettegi 13 paıyzdyq tap­shylyq (defısıt) azamattardyń tabysy esebinen jabylmasyn deıdi. Áskerıler tutqyndaldy О́tken dúısenbide Túrkııada áske­rı tóńkeris jasaý áreketi úshin 50 adam tutqyndalyp, túr­mege jabyldy. Onyń ekeýi qazir ásker qatarynda júrgen admı­ral­dar jáne úsheýi otstavkaǵa shyq­qan admıral, sondaı-aq eki general eken. Bul elde áskerıler árkez tóń­keris jasap, ózderinshe Kemal Atatúriktiń ósıetterin qalpyna keltirgen soń, bılikti qaıtadan azamattyq úkimetke berip oty­rady. Sońǵy tóńkeris 1980 jyly bolǵan edi. Olardyń bıylǵy áre­keti sátsizdikke ushyrady. Úkimet aldyn orap ketti. Saldarynyń qandaı bolary belgisiz. Qatty jazalaýǵa úkimettiń shamasy kele me, ony da eshkim aıta almaıdy. Talıbter kelispeıdi Sońǵy kezde talıbterge qar­sy kúres birshama kúsheıip, olar aıtarlyqtaı shyǵynǵa ushyrady. Osy sátti paıdalanyp, Aýǵanstan prezıdenti Hamıd Karzaı olardy kelissózge shaqyrdy. Biraq talıbter táýbesine kelmepti, olar eń aldymen H.Karzaıdy Batys­tyń qýyrshaǵysyń dep kinálap alǵan soń, eshqandaı kelissózge barmaıtyndaryn málimdedi. Al onyń esesine NATO kúshteri Aýǵan­stannyń ońtústiginde ta­lıb­terge qarsy birneshe opera­sııa­lardy júzege asyrýdy qolǵa aldy. Birikpektiń syry bar KHDR-diń resmı bas gazeti “Nodon sınmýn” Soltústik jáne Ońtústik Koreıanyń federasııa­lyq sıpatta birikkeni jón degen pikirge negizdelgen maqala ja­rııalady. Muny KHDR basshy­lyǵynyń pikiri dep qabyldaǵan jón. О́ıtkeni, eldiń resmı gazeti basshylyqpen oılaspaı mundaı pikirdi aıta almaıdy. Asa zor ekonomıkalyq jáne áleýmettik qıyndyqqa ushyraǵan Soltústik Koreıa jaǵy Ońtústikten kómek, qoldaý kútýge májbúr. Daýly zymyrandar Rýmynııanyń Syrtqy ister mınıstri T.Bakanský óz eliniń AQSh-pen óz aýmaǵynda qorǵa­nys­tyq zymyrandar ornalas­tyrý jóninde kelissózder júr­gizip jatqanyn málimdedi. Bul zymyrandardyń maqsaty NATO aımaǵyna qaraı atylǵan oq pen jiberilgen ushaqtardy nysanaǵa jetkizbeı jolda joıý bolmaq. Máskeýdegi fashıster Máskeýdiń qalalyq soty “Aq qasqyrlar” dep atalatyn skın­h­et­terdiń fashıstik tobynyń toǵyz múshesine jaza kesti. Olar­dyń aldy 23 jylǵa, sońy 6,5 jylǵa sottalǵan. Bul top fa­shıster kósemi Adolf Gıtlerdiń týǵan kúni qurylyp, sodan beri 11 adamdy óltirip, bir adamdy óltirmek bolǵan. Erekshe bel­sendilik kórsetken Dmıtrıı Isakın degen 23 jylǵa sottalsa, al osy toptyń jetekshisi sana­la­tyn jáne moınynda eki adamnyń qany bar Alekseı Djavahıshvılı degenge jeti jyl berilgeni tań­dandyrady. Orys fashısteri ne­gi­zinen О́zbekstan men Qyr­ǵyz­stannan shyqqandardy “aý­laı­dy” eken. Mamadııar JAQYP.