Avstralııanyń Melbýrn qalasynda ótip jatqan sporttyq gımnastıkadan álem kýbogi kezeńinde ekinshi jarys kúni aıaqtaldy. Búgin eki sportshymyz fınaldyq básekege joldama aldy dep habarlaıdy Olympic.kz.
Mılad Karımı kerme snarıadyndaǵy jattyǵýda 5-shi oryn alsa, qol tirep sekirýden 6-shy oryn ıelendi. Bul onyń fınalda óner kórsetine jetkilikti kórsetkish.
Akım Mýsaev gımnastıkalyq qossyryqtaǵy jattyǵýdan 7-shi oryn ıelendi. Keshe Mýsaevtyń at snarıadynda úzdik bestikke enip, fınalǵa ótkenin aıta ketken jón.
Sondaı-aq, qyzdar quramasynyń múshesi Aıda Baýyrjanova erkin jattyǵýdaǵy irikteý synynda 8-shi oryn ıelenip, fınaldǵa joldama alyp otyr.
Aqtyq synda Mılad Karımı kerme men qol tirep sekirýden, Akım Mýsaev at pen gımnastıkalyq qossyryqtan, Aıda Baýyrjanova erkin jattyǵýdan júldege talasady.