Semınar konferensııanyń negizi taqyryby: «Gazdar men suıyqtyqtardy tasymaldaıtyn jabdyqtar salasyndaǵy sońǵy jetistikter» dep ataldy.
Zaýyttyń qoǵammen baılanys jasaý bóliminiń málimetinshe, is-sharaǵa Máskeý, Volgograd, Penza, Kazan qalalary, Vılnıýs Lıtva elinen ókilder keldi.
Iаǵnı, kásiporynǵa qural-jabdyqtar jetkizýshi kompanııalardyń basshylary jáne munaı-gaz salasyna arnalǵan tehnologııalyq jabdyqtardy óndirýshiler boldy.
Olardyń jobalary ǵylymı-óndiristik jáne óndiristik-tehnıkalyq bazalary, noý-haý, patentteri, kópjyldyq tabysty qyzmeti, ókildikteri kóp, qyzmet kórsetý ortalyqtarynyń aýqymdy geografııasy, álemdegi klıentter jáne senimdi seriktesteri bar kásiporyndardy tańdaýǵa baǵyttalǵan.
Jıynǵa jergilikti ǵalymdar, Omby memlekettik tehnıkalyq ýnıversıtetiniń ǵylymı-bilim berý resýrstyq ortalyǵynyń oqytýshylary shaqyryldy.
Sonymen birge, tehnıkalyq mamandar-jetekshi ınjenerler, tehnologtar qatysyp, óz oılaryn ortaǵa saldy.
Jalpy, kásiporynda «Gazdar men suıyqtyqtardy tasymaldaıtyn jabdyqtar salasyndaǵy sońǵy jetistikter» atty semınar ótkizýdegi maqsat-óndiristi ekonomıkalyq turǵydan jetildirý.
Iаǵnı, kásiporyndaǵy qural-jabdyqtardy kúrdeli jóndeýden ótkizýdi azaıtý jáne toqtap turýyn nólge deıin azaıtý.
Sondyqtan, qazirgi zamanǵy senimdi, qaýipsiz jańa qurylǵylardy óndiriske engizý qajet.
Zaýyttyń mehanık, kompressorlyq qondyrǵylar mashınısteri, tehnologııalyq sorǵylar mashınısteri mamandarynyń biliktilikterin kóterý.
Sonymen birge, jańa tehnologııalardy óndiriske engizýde Otandyq, reseılik jáne Eýropa kásiporyndarynyń munaı-hımııa salasyna qajetti qural jabdyqtardy óndirý, paıdalanýdaǵy ozyq úlgilerin kórsetýge baǵyttaldy.
Bul kúnderi «Pavlodar Munaı-hımııa zaýyty» JShS-niń jobalyq qýaty-jylyna 6 mıllıon tonna munaı óńdeý.
Munaıdy alǵashqy óńdeý boıynsha negizgi tehnologııalyq prosess LK-6ý–qurama qondyrǵysynda júrgiziledi.
О́nimniń sapasyn baqylaý- zamanaýı jabdyqtarda júrgiziledi.
Zaýytta joǵary bilikti mamandar jumys isteıdi.
Olar munaı ónimderin óńdeýdiń álemdik tájirıbesinde qabyldanǵan standarttarǵa sáıkes shyǵarylatyn ónim sapasyn baqylaı alady.
Farıda BYQAI,
«Egemen Qazaqstan»
PAVLODAR