Ortalyqta «Aýyratyn ýaqyt joq», «Shaı isheıik» dep atalatyn klýbtar jumystaryn bastap ta ketti.
Qazaqstan halqy Assambleıasy jergilikti fılıal basshysy Seısembaı Jetpisbaevtyń aıtýynsha Dostyq úıinde ashylǵan «Uzaq ómir súrý» ortalyǵyn «Nur Otan» partııasy oblystyq fılıaly men jergilikti Assambleıa birlesip qolǵa aldy.
Maqsat-qart adamdardyń arasynda salaýatty ómir saltyn nasıhattaý.
Jalpy, jergilikti Assambleıa quramynda 24 etnomádenı birlestik bar.
Árqaısysynda 20 adamnan alǵanda 500-ge jýyǵy qart adamdar. Barlyǵy da sergek, ortalyqtaǵy hor úıirmesi, mýzykalyq aspaptar, horeografııa bólimderine qatysady.
Al, «Uzaq ómir súrý ortalyǵynda» IT tehnologııalar, salaýatty ómir saltyn saqtaý, tilderdi úıretý klýbtary ashyldy.
Ortalyqta zeınetkerler men ardagerler jattyǵý jasap, ıogamen aınalyspaq.
- Qazirgi tańda bulshyq etti damytýǵa arnalǵan sporttyń jańa túri - skandınavııalyq júris týraly kóp aıtylady, - deıdi Seısembaı Jetpisbaev.
-Osy júris túrimen aınalysýdy qolǵa almaqpyz. Densaýlyqqa paıdasy zor. Bizdiń ortalyq egde jastaǵy jáne zeınetkerlerdiń densaýlyǵyn nyǵaıtýǵa baǵyttalǵan. Kez kelgen qala turǵyny kelip qatysa alady. Dárigerler, sport sheberleri kómek kórsetedi.
Oblystyq dene tárbıesi jáne sport basqarmasymen jasalǵan kelisim negizinde aptanyń ár beısenbi kúni «Shymyr» basseıninde tegin júzýge barady. Densaýlyǵyna qatysty dárigerdiń anyqtamasyn alý kerek.
Farıda BYQAI,
«Egemen Qazaqstan»
Pavlodar oblysy