Erejesiz jekpe-jek álemindegi eń beldi uıym – UFC-de ekinshi kezdesýin ótkizgen Orynbordyń qazaǵy Damır Ismaǵulov bul joly da jeńiske jetti.
Qandasymyz Chehııanyń bas shahary – Pragada Ispanııanyń ókili Hoel Alvarespen kúsh synasty. Birden aıta keteıik, qarsylasy ákki sportshy. Ol osy kúnge deıin 16 kezdesý ótkizip, 15 ret basymdyq tanytty. Sol jeńisteriniń barlyǵyn Pıreneı túbeginiń túlegi qarsylastaryn «qylqyndyrý» ádisimen utqan edi.
Pragadaǵy jekpe-jekte Damır Ismaǵulovtyń ústemdigi esh kúmán týǵyzǵan joq. Úsh raýndtyń qorytyndysy boıynsha barlyq tóreshiler qazaq jigitiniń myqtylyǵyn moıyndady.
Damır úshin bul UFC-degi ekinshi jeńisi. Byltyr ol Avstralııanyń Adelaıda qalasynda jergilikti sportshy Aleks Gorgısty upaı sanymen utqan edi. Al erejesiz jekpe-jekte qandasymyz barlyǵy 20 kezdesý ótkizip, 18 ret jeńiske jetip otyr.
Ǵalym SÚLEIMEN,
«Egemen Qazaqstan»