Reseıdiń «Gazeta.Ru» basylymy fýtboldan sol memlekettiń Premer-lıgasyndaǵy qysqy transferdiń úzdik ondyǵynyń reıtıngin jarııalady. Sol tizimde 20 jastaǵy Qazaqstan quramasynyń jartylaı qorǵaýshysy Baqtııar Zaınýtdınov ta bar.
«Taraz» fýtbol mektebiniń túlegi byltyrǵy maýsymda «Astananyń» jeıdesin kıgen bolatyn. Qos komandanyń namysyn qorǵaǵan kezderi óreli ónerimen kózge túsken ol Qazaqstannyń ulttyq quramasyna qabyldandy. Bas komandamyzdyń sapynda 9 márte jasyl alańǵa shyǵyp, 3 gol soqty. Sol aralyqta birneshe atalymdar boıynsha túrli júldelerge ıelik etti. Bıyl Zaınýtdınov «Rostovqa» aýysty. Reseılik basylym Baqtııardyń Dondaǵy Rostov qalasynda jasaqtalǵan klýbqa aýysýyn eń sátti qysqy transferlerdiń biri dep atady. Bul tizimde aıtýly fýtbolshyǵa 9 oryn buıyrǵan eken.
«TOP-10» oıynshynyń qatarynda kirgenderdiń tolyq tizimi mynadaı:
1. Serdar Azmýn, «Zenıt»
2. Iаroslav Rakıskıı, «Zenıt»
3. Vılmar Barrıos, «Zenıt»
4. Lýkas Aırton, «Spartak»
5. Maksım Glýshenkov, «Spartak»
6. Dmıtrıı Skopınsev, «Krasnodar»
8. Anton Zınkovskıı «Krylıa Sovetov»
8. Hvıchı Kvarashelııa «Lokomotıv»
9. Baqtııar Zaınýtdınov «Rostov»
10. Bakarı Kone «Arsenal» (Týla).
Ǵalym SÚLEIMEN,
«Egemen Qazaqstan»