Qurlyqtyq hokkeı lıgasynyń (QHL) turaqty birinshiligi aıaqtalǵannan keıin Reseıdiń «Match TV» arnasy osy jarystaǵy túrli komandalar oıynshylary arasyndaǵy «TOP-10» tóbelestiń tizimin jarııalady.
Turaqty birinshiliktiń aıaqtalýǵa taıa qalǵan tustaǵy «Barys» pen «Avangard» klýbtarynyń arasynda ótken básekede birneshe oıynshy bir-birine ses kórsete bastady. Onyń aqyry astanalyq Pavel Akolzın (boıy -191 sm., salmaǵy – 86 kılo) men ombylyq Kırıll Petrovtiń (boıy -191 sm., salmaǵy – 100 kılo) tóbelesine ulasty. Alaıda bul jekpe-jek uzaqqa sozylǵan joq. «Barystyń» oıynshysy bir ǵana sátti soqqymen, qarsylasyn aýyr nokaýtqa jiberdi. Qatty eseńgirep qalǵan Petorovtyń áriptesteri qulap jatqan jerinen ázer kóterip, syrta alyp ketti. Úzditer tiziminde bul tóbeles 7 oryndy ıelendi.
QHL-dyń eń úzdigi dep 28 jastaǵy Maksım Grıgorev pen 36 jastaǵy Ilıa Nıkýlın arasyndaǵy tóbeles tanyldy. Bul jaǵdaı máskeýlik derbı – «Spartak» men «Dınamo» arasyndaǵy matchta oryn aldy. Qos komanda byltyrǵy jyldyń qazan aıynda kúsh synasqan bolatyn. 40 sekýndqa sozylǵan jekpe-jek «Dınamo» oıynshysynyń paıdasyna sheshildi. О́zinen áldeqaıda eresek qarsylasyn biraz dińkeletken Grıgorev sońynda «Spartaktyń» kapıtanyn uryp jyqty. Bir aıta keterligi, ekeýiniń dene bitiminde biraz alshaqtyq bar. Máselen, Nıkýlınnyń boıy – 191 santımetr, salmaǵy – 101 kılo. Al Grıgorev boıy 179 santımetr, salmaǵy – 85 kılo. Mine, «kúsh atasyn tanymaıdy» degen osy bolar.
QHL-dyń turaqty birinshiligindegi «TOP-10» tóbelestiń tolyq tizimi mynadaı:
1. Maksım Grıgorev («Dınamo») pen Ilıa Nıkýlın («Spartak»)
2. Vıktor Tıhonov (SKA) pen Pavel Karnaýhov (SSKA)
3. Velı-Mattı Savınaınen («Kýnlýn») men Evgenıı Lapenkov («Traktor»)
4. Nık Beılen («Traktor») men Rafael Bıkmýllın («Neftehımık»)
5. Gleb Semenov («Neftehımık») pen Edýard Gımatov («Salavat Iýlaev»), Rafael Bıkmýllın («Neftehımık») pen Stanıslav Gareev («Salavat Iýlaev»)
6. Patrık Bachık («Slovan») pen Damır Rahımýllın («Sochı»)
7. Pavel Akolzın («Barys») men Kırıll Petrov («Avangard»)
8. Mıhaıl Glýhov («Aq Bars») pen Dmıtrıı Ogýrsov («Neftehımık»)
9. Ilıa Berestennıkov («Amýr») pen Iýrıı Petrov («Admıral»)
10. Damır Rahımýllın («Sochı») men Andreı Svetlakov (SSKA)
Ǵalym SÚLEIMEN,
«Egemen Qazaqstan»