«Bizdiń el shól daladaǵy ylǵaldy alqap tárizdi»

«Bizdiń el shól daladaǵy ylǵaldy alqap tárizdi»

Beısenbi, 9 tamyz 2012 5:37

– deıdi Qazaqstan halqy Assambleıasy keńesiniń múshesi, «Birlesken qurylys korporasııasy-stroıservıs» JShS dırektory Shakır Hahazov

Qarjylyq daǵdarys búginde álem elderiniń basty máselesine aınaldy. Qazir kóptegen memlekette qarjylyq qıyndyq bar. Ási­rese, Eýropa elderiniń jaǵ­daıy nashar. Ol elderdegi kún sanap qatary kóbeıgen jumys­syz­dardyń jappaı tártipsizdikke boı aldyrýynyń ózi osy qar­jy­lyq daǵdarystyń saldary.

Beısenbi, 9 tamyz 2012 5:37

– deıdi Qazaqstan halqy Assambleıasy keńesiniń múshesi, «Birlesken qurylys korporasııasy-stroıservıs» JShS dırektory Shakır Hahazov

Qarjylyq daǵdarys búginde álem elderiniń basty máselesine aınaldy. Qazir kóptegen memlekette qarjylyq qıyndyq bar. Ási­rese, Eýropa elderiniń jaǵ­daıy nashar. Ol elderdegi kún sanap qatary kóbeıgen jumys­syz­dardyń jappaı tártipsizdikke boı aldyrýynyń ózi osy qar­jy­lyq daǵdarystyń saldary.

Mun­daı bas kóterýler saıası jaǵ­daı­dy da ýshyqtyryp, elderdiń tu­tas­tyǵyna da aıtarlyqtaı qaýip tóndirdi. Sóıtip, qaı elde bolmasyn ekonomıkalyq jaǵdaıdyń tómendeýi ondaǵy tynyshtyqty da shaıqaltatyny taǵy bir dá­leldengendeı. Qazaqtyń «altaý ala bolsa, aýyzdaǵy ketedi» degen naqyly beker aıtylmasa kerek. Al bizdiń el búginde birliktiń uıasy ǵana emes, daǵdarys kezinde ekonomıkalyq qıyndyqtarǵa da tótep bere alǵan berekeniń besigi bolyp otyr. Oǵan elimizdiń bú­gin­gi hal-ahýaly aıǵaq.

Qazaqstan halqy etnostyq quramy jaǵynan áralýan. Bir shańyraq astynda 130-dan astam ult ókilderi ómir súrip jatyr. Qazaqstan elimizdiń aýmaǵynda turyp jatqan ulttardyń teńdigi qaǵıdasyn qatań ustanady. Árbir qazaqstandyqqa ózin tolyqqandy ult retinde tanytýy úshin barlyq jaǵdaı jasalyp, ózindik etnomá­denı múddelerin júzege asyrý quqyǵy berilgen.

Ulttardyń ózindik turmys-tir­shiligin qoldaýdyń úlgisi re­tin­de Qazaqstannyń túkpir-túk­pi­rinde ashylǵan ulttyq-mádenı ortalyqtardyń jumysy búginde keń óris alyp damýda. Olardyń joǵary minberi – Qazaqstan hal­qy Assambleıasy. Qazirgi tańda osy myqty áleýmettik kúsh Parlament palatalarynyń, saıası par­tııalardyń, buqaralyq aqpa­rat quraldarynyń, memlekettik jáne úkimettik emes uıymdardyń jumystarynda óz ustanymdaryn tanyta otyryp, azamattyq qo­ǵam­nyń dástúrli ınstıtýttarymen tyǵyz yqpaldasyp ketti. Qa­zaqstan halqy Assambleıasy Qa­zaq­stannyń saıası júıesiniń ma­ńyz­dy bólshegine aınalyp, bar­lyq ult­tar­dyń múddesin bekitip nyǵaıtty, ulttyq jáne dinı áralýandyqqa qaramastan barlyq azamattardyń qu­qyqtary men jeke bostan­dyq­ta­ryn qadaǵalaýdyń múltiksiz oryndalýyn qamta­ma­syz etti. Bul uıym Qazaqstanda osy saladaǵy ult­ara­lyq qaty­nas­tardy úılestirý men teń­des­tirýdiń erekshe mańyzdy quraly­na aınaldy.

Assambleıanyń qyzmetine Qa­zaqstannyń ultaralyq máse­le­ler­di sheshýdiń álemdik tájirı­besine qosqan qomaqty oń úlgisi arqaý bolǵan. Bul – mańyz­dy­ly­ǵy eń joǵary deńgeıde baǵalan­ǵan úles. BUU-nyń burynǵy Bas hatshysy Kofı Annan 2002 jyly bizdiń elimizde bolǵan saparynda Qazaqstandy álemniń ózge memleketteri úshin turaqty jáne tııanaqty damýdyń, ultaralyq kelisimniń ozyq úlgisi retinde atap ótken bolatyn.

Men, dúngen ultynyń ókili retinde, «Birlesken qurylys korporasııasy-Stroıservıs» jaýap­ker­shiligi shekteýli seriktes­ti­gin­degi óz ujymymmen birge Ult kósh­basshysynyń óz qolymen syz­ǵan jobalaryn júzege asyrý jolynda qoldan keler úlesimdi qosyp kelemin. Biz salǵan As­tanadaǵy tazartý qurylystary, kópir men jol-kólik aıryǵy óte sapaly ári óte qysqa merzimde tapsyryldy. Astana qala­syn­da­ǵy úsh kópir men Almatydaǵy kúrdeli jol-kólik aıryǵynyń qu­rylysy aıaqtalýǵa jaqyn. «Nur Otan» partııasy atynan As­tana qalasy máslıhatynyń V sha­qyrylymynyń depýtaty retinde partııa quryltaıynda onyń Tór­aǵasy Nursultan Ábishuly Nazarbaev alǵa qoıǵan isterdi jú­ze­ge asyrýdamyn.

Sondyqtan, Assambleıanyń bı­ylǵy XIX sessııasynyń urany erekshe mańyzǵa ıe. Qazaqstan hal­qy, bizdiń Memleket basshysynyń dana, salmaqty saıasatynyń arqa­synda, birligin, tutastyǵyn saq­tap otyr. Bul – Qazaqstan aýma­ǵynda ulttardyń tirshilik etý tarıhynan jetken úrdis. Soǵys jyldarynda, tyń ıgerý kezinde adamdar sońǵy nanyna deıin bólip jep, qashanda bir jeńnen qol, bir jaǵadan bas shyǵardy, ortaq maqsatqa jumyldy.

Budan ózge, álemdik sarapshylar atap ótkendeı, bizdiń elimiz­diń ómir turmysynyń barlyq salalarynda turaqtylyq saqtal­ǵan. Amerıkanyń, Eýropa men Azııa­nyń aldyńǵy qatarly mem­le­ketterin jaılaǵan, kórshi Reseı men Ortalyq Azııa elderiniń damýyna da áserin tıgizgen atyshýly qarjy daǵdarysyna qa­ramastan, biz «shól daladaǵy yl­ǵaldy alqap» tárizdimiz. Qazaq­stan­nyń Prezıdenti Nursultan Nazarbaev daǵdarystan shyǵý jáne jaqyndaǵan daǵdarysqa qar­sy kúres jolynda qajetti sharalardy dál ýaqytynda at­qar­dy. Munaı sektorynan túsken ki­risti jınaqtaıtyn Ulttyq qordy paıdalanýǵa ruqsat etti, sóıtip elimizdi alyp qurylys alańyna aınaldyrýǵa sheshim qabyldady. Bul týraly N.Nazarbaev Parlamentte halyqqa arnaǵan jyl saıynǵy Joldaýlarynda da aıt­qan bolatyn.

«Álem daǵdarysqa ushyraıdy, al biz búkil Qazaqstandy alyp qurylys alańyna aınaldyryp, on myńdaǵan adamdy jańa ju­mys oryndarymen qamtamasyz etemiz, – dedi Elbasy. – Ol damý jobalaryn júzege asyrý úshin Ulttyq qordan nesıeler qaras­tyrýǵa týra keledi. Men bul aq­sha­lardy batystyq bankterde us­tap saqtaǵannan góri, óz ekonomıkamyzdy damytýǵa salǵanymyz durys dep oılaımyn».

Bul Qazaqstan halqy Assam­bleıasynyń úshinshi sessııasynyń quramdas urany – jańǵyrtýǵa qa­tys­ty. О́ıtkeni, qarjy el ekonomıkasyn jańǵyrtýǵa jumsal­maq. 2010-2014 jyldarǵa arnal­ǵan Qa­zaqstan Respýblıkasynyń údemeli ındýstrııalyq-ınnova­sııa­­lyq da­mýy­nyń memlekettik baǵdar­la­ma­sy ındýstrııalyq-ın­novasııalyq úrdisterdiń qoz­ǵaý­shy kúshi bolatyn «dástúrli mamandaný» salasyn damytý arqy­ly aldyńǵy qatarly shıkizattyq emes salalardy ozyq damytýǵa baǵyttalady.

Indýstrııalandyrý baǵdar­la­masy­nyń arqasynda tek sońǵy eki jylda ǵana 350-den astam túrli óndiris oryndary paıda­laný­ǵa berilgen. Al bul adamdar burynǵydan da kóp eńbekaqy alatyn 200 myń biliktilikti ındýs­trııa­lyq jumys ornyn ashýǵa múmkindik berdi. 2015 jylǵa deıin taǵy osynsha jańa jobany iske qosyp, jańa jumys oryndaryn ashý kózdelip otyr.

Men Qazaqstandy mekendeı­tin barlyq halyqtardyń dostyq­pen birlesken jumysy jáne elimizdiń Tuńǵysh Prezıdenti Nursultan Ábishuly Nazarbaev júr­gizip otyr­ǵan salıqaly saıa­satynyń ar­qa­synda júzege asyrylyp jatqan kólemdi jobalarǵa úles qosqa­nym­dy maqtanysh etemin.

Jazyp alǵan Dınara BITIKOVA,

«Egemen Qazaqstan».