Jambyl oblysynyń ákimdigi halyqtyń áleýmettik jaǵdaıyn kóteretin jobalardy qolǵa alýda. Sońǵy ýaqytta oblys ortalyǵyndaǵy saıabaqtar, balalardyń oıyn alańdary sııaqty halyq kóp shoǵyrlanatyn oryndar abattandyrylyp, el ıgiligine berilgeni sonyń bir parasy ǵana.
Máselen, Taraz qalasyndaǵy talaı jyldan beri qaraýsyz qalǵan «Jeńis» saıabaǵyna dańqty batyr Baýyrjan Momyshulynyń eskertkishi ornatylyp, saıabaq ishi ásem kúıge endi. Qaırat Rysqulbekov saıabaǵy, «Úshbulaq» demalys oryny halyq ıgiligine berildi.
Taraz qalasynyń Ybyraıym Súleımenov kóshesiniń boıyndaǵy alleıa da Jastar jylyna oraı «Jastar alleıasy» dep atalatyn boldy. Bul da óńirdegi jastar úshin jasalyp otyrǵan ıgi jumys. О́tken jyly óńirde óndiris salasynyń da birshama damyǵanyn aıtýǵa bolady. Iаǵnı, óndiris kólemi 238,5 mıllıard teńgege artty. О́ńirde 32 548 orta jáne shaǵyn kásipkerlik sýbektisi tirkelgen. Olardyń ınvestısııa tartý kólemi boıynsha da kórsetkishi artyp otyr. Taraz qalasynyń ózine 69,2 mıllıard teńge ınvestısııa tartylýy ótken jyly óńirde turǵyn úı salý úshin 43,7 mıllıard teńge jumsaldy. Taraz qalasynda 243,7 myń sharshy metr turǵyn úı boı kóterdi. Memlekettiń qoldaýymen salynǵan úıler memlekettik baǵdarlamalar arqyly turǵyndarǵa berilýde.
Birqatar bilim berý oshaqtary salynyp, keıbiri qaıta jóndeýden ótkenin de aıta ketý kerek. Máselen, «Shóldala» aımaǵynda 900 oryndyq, «Báıterek» shaǵyn aýdanynda 120 oryndyq mektep paıdalanýǵa berildi.
О́ńirde týrızm salasyn damytýǵa da aıryqsha kóńil bólinýde. «Shahrıstan», «Aqyrtas» keshenderine tıisti jumystar júrgizilýde. Jýaly aýdanyndaǵy «Qaralma» kesheni bolashaqta óńir týrızmin damytýǵa serpin bereri sózsiz.
Serikbol BERIKQOJA,
Taraz qalalyq máslıhatynyń depýtaty
Jambyl oblysy