Elordada 21-23 aqpan aralyǵynda «Quqyqtyq tártip» jedel aldyn alý is-sharasy ótti. Bul týraly Astana qalasy ákimdiginiń resmı saıty habarlady.
Elorda aýmaǵynda qoǵamdyq qaýipsizdikti qamtamasyz etý, qylmystar men quqyq buzýshylyqtardyń aldyn alý jáne eskertý maqsatynda Astana qalasy Polısııa departamentiniń Jergilikti polısııa qyzmeti basqarmasynyń qyzmetkerleri men polısııanyń qoǵamdyq kómekshileri osy jyldyń 21-23 aqpan aralyǵynda «Quqyqtyq tártip» jedel aldyn alý is-sharasyn ótkizdi.
«Is-shara barysynda qoǵamdyq oryndar men qala kóshelerinde quqyq buzýshylyqtardy aldyn alý jáne jolyn kesý boıynsha qosymsha sharalar qabyldandy, turǵyn úı keshenderiniń aýlalarynda, elorda turǵyndary men qonaqtary jappaı jınalatyn jáne bos ýaqyttaryn ótkizetin oryndarda jaıaý jasaqtardyń patrýldeýi kúsheıtildi» dep habarlady PD Jergilikti polısııa qyzmeti basqarmasy.
JAISh 3 kúndik qorytyndysy boıynsha polısııa qyzmetkerleri 40-tan astam qylmysty ashyp, izdeýde júrgen 6 qylmysker ustaldy.
Sonymen qatar 2200-ge jýyq ákimshilik quqyq buzýshylyq anyqtaldy. Olardyń 600-ge jýyǵy alkogol ishimdikterin ishkeni nemese qoǵamdyq oryndarǵa masań kúıinde kelgeni úshin, 300-ge jýyǵy usaq buzaqylyq faktisi boıynsha, 200-ge jýyǵy Qazaqstan Respýblıkasynyń halyqtyń kóshi-qony salasyndaǵy zańnamasyn buzýy boıynsha, IIO esebinde turǵan 1000-ǵa jýyq adam tekserilip, 1000-nan astam adam azamattyq qarý ıesi jáne t.b. tekserildi.