22-24 aqpan aralyǵynda Rıdder qalasynda bıatlonnan Elena Hrýstalevanyń kýbogi jolyndaǵy jarys aıaqtaldy dep habarlaıdy Olympic.kz.
Úsh jas kategorııasyna bólingen 70-ten asa bıatlonshy tanymal sportshynyń júldesi úshin talasty.
Jarystyń negizgi maqsaty – elimizdegi bıatlondy damytyp, sporttyq sheberlikti arttyrý. Sondaı-aq, jastardyń salaýatty ómir saltyn ustanýyna múmkindik jasap, patrıottyq sezimdi shyńdaý.
«Balalar bizdiń eldiń bolashaǵy. Olardy jas kezinen sportqa beıimdep, salaýatty ómir saltyn ustanýǵa shaqyrýymyz kerek. Bıatlonnan Rıdderde ótken respýblıkalyq týrnır jas sportshylardyń kózin ashyp, olardyń sportqa degen qyzyǵýshylyǵyn arttyra tústi», - deıdi Elena Hrýstaleva.