Búgin Prezıdent Ákimshiliginiń basshysy Áset Isekeshev Erbolat Dosaevty Ulttyq bank ujymyna tanystyrdy. Á.Isekeshev Ulttyq banktiń aldynda turǵan barlyq mindetter burynǵydaı qalatynyn atap ótti. Bul týraly UB-niń baspasóz qyzmeti habarlady.
«Birinshi kezekte, bul aqsha-kredıt saıasatyn jetildirý, banktik, qarjylyq jáne naqty sektorlardy qalypqa keltirý, baǵa turaqtylyǵy men ekonomıkalyq ósý arasyndaǵy teńgerimdi tabý», – dedi Á. Isekeshev.
Á. Isekeshev atap ótkendeı, bankter aktıvteriniń sapasyna táýelsiz baǵalaý júrgizý, qor naryǵyn damytý jáne basqalary ózekti máseleler bolyp qalýda.
«Úkimetpen birge halyqtyń ómir súrý deńgeıin arttyrý maqsatynda makroekonomıkalyq turaqtylyqty jáne ekonomıkalyq ósýdi qamtamasyz etý jónindegi sheshimder júıesin pysyqtaý qajet», – dep atap ótti QR Prezıdenti Ákimshiliginiń basshysy.
О́z kezeginde E. Dosaev Memleket basshysyna kórsetilgen senimi úshin alǵys aıtty jáne eldiń ekonomıkalyq ósýin qamtamasyz etý maqsatynda Ulttyq banktiń jáne Úkimettiń birlesken jumysy kúsheıtiletinin atap ótti.
Prezıdenttiń 2019 jylǵy 25 aqpandaǵy № 856 Jarlyǵymen Erbolat Dosaev QR Ulttyq banki tóraǵasy laýazymyna taǵaıyndalǵanyn eske salamyz.