Bank VTB (Qazaqstan) Máskeý bırjasynyń valıýta naryǵyndaǵy saýda-sattyqqa tikeleı qol jetkizdi

«Eýrazııalyq ekonomıkalyq odaq (BEJ) aıasyndaǵy qarjylyq ózara is-qımyl aımaqtyń ekonomıkalyq turaqtylyǵyn saqtaý úshin úlken mańyzǵa ıe. BEJ-ge qatysýshy elderdiń valıýtalyq naryqtaryna qoljetimdilikti ulǵaıtý – bul eýrazııalyq keńistikte bıznes-baılanystardy nyǵaıtyp, ózara tıimdi yntymaqtastyqty damytýdyń taǵy bir sátti qadamy. VTB (Qazaqstan) Bankiniń aldynda Máskeý bırjasynyń valıýta naryǵyna tikeleı shyǵý úshin ashylatyn jańa múmkindikter bizdiń klıentterimizge arnalǵan ónim jelisi men servısti jaqsartýǵa múmkindik beredi», – dep atap ótti Bank VTB (Qazaqstan) Basqarmasynyń Tóraǵasy Dmıtrıı Zabello.

Búgingi tańda Máskeý bırjasynyń valıýtalyq naryǵyna Eýrazııalyq ekonomıkalyq odaqtyń bes elinen (EEO/EýrAzEQ) 14 bank tikeleı qatynaý ruqsatyna ıe, onyń ishinde eki halyqaralyq qarjy ınstıtýty: Memleketaralyq bank jáne Eýrazııalyq Damý Banki (EADB). Olardyń jıyntyq saýda aınalymy 2018 jyly 2017 jylmen salystyrǵanda úsh esege ósip, 1,9 trln rýblge jetti.

Qazirgi ýaqytta Máskeý bırjasynyń valıýta naryǵynda sonymen qatar «AQSh dollary – Reseı rýbli», «Eýro – Reseı rýbli», «Qytaı ıýani – Reseı rýbli», «Eýro – AQSh dollary», «Gonkong dollary – Reseı rýbli», «Japon ıeni – Reseı rýbli», «fýnt sterlıng – Reseı rýbli», «fýnt sterlıng – AQSh dollary», «Shveısarııa franki – Reseı rýbli», «Shveısarııa franki – AQSh dollary», «Túrik lırasy – Reseı rýbli», «Túrik lırasy- AQSh dollary», «Belarýs rýbli – Reseı rýbli», «Qazaqstan teńgesi – Reseı rýbli» juptary boıynsha saýda-sattyq ótýde. 2018 jyldyń qorytyndysy boıynsha valıýta naryǵyndaǵy ortasha kúndik saýda kólemi 22 mlrd. AQSh dollaryn qurady.

Aınash ESALI,

«Egemen Qazaqstan»

ALMATY