Qaraǵandy oblysynda kóktemde ań aýlaýǵa moratorıı uzartyldy. Bıylǵy jyly 1 naýryzdan 15 mamyrǵa deıingi aralyqta jabaıy ańdy atý zańsyz dep tabylady.
Osyndaı shekteýler oblysymyzda úshinshi jyl qatarynan ótkizilýde. Buryndary kóktemde úırekter men qurlardy atýǵa eki aptaǵa ruqsat beriletin.
Zańsyz ań atqany úshin «Janýarlar álemin paıdalaný talaptaryn jáne ań aýlaý erejelerin buzý» QR Ákimshilik kodeksiniń 382 baby boıynsha aıyppul qarastyrylǵan. Zańǵa saı jeke tulǵalarǵa 5 AEK, shaǵyn ásipkerlik sýbektileri úshin 20 AEK, sondaı-aq orta jáne iri sýbektilerge 50 jáne 100 AEK kóleminde aıyppul salynady.
Aıyppulmen qosa, zań buzýshylar memlekettik qazynaǵa shyǵyndy óteýi tıis. Bul soma óltirgen ańnyń túri men sanyna baılanysty bolady.
Aıta ketý kerek, bıylǵy jyly Qaraǵandy oblysynda qasqyrlardyń popýlıasııasyn retteýge ruqsat berilgen. Bir jylda aımaǵymyzdaǵy jalpy qasqyrlar sanynyń 10%6 ıaǵnı 39 kók bórilerdi óltirýge ruqsat etilgen. Alaıda jyrtqyshtardy tek malǵa nemese adamdarǵa shapqan kezde ǵana atýǵa bolady. Ondaı jaǵdaıda qasqyr atqysy keletinder aýdandyq ákimdikten ruqsat qaǵazyn alýy tıis.