Premer – Mınıstrdiń orynbasary Jeńis Qasymbek Aýyl sharýashylyǵy mınıstrligi ujymyna jańa Mınıstr Saparhan Kesikbaıuly Omarovty tanystyrdy dep habarlaıdy AShM baspasóz qyzmeti.
Qazaqstan Respýblıkasy Prezıdentiniń 2019 jylǵy 25 aqpandaǵy № 851 Jarlyǵymen Saparhan Kesikbaıuly Omarov Aýyl sharýashylyǵy Mınıstri laýazymyna taǵaıyndaldy.
Saparhan Kesikbaıuly Omarov 1968 jyly 5 mamyrda Shymkent oblysynda týǵan. G.V. Plehanov atyndaǵy Reseı ekonomıka akademııasyn jáne Qazaq memlekettik zań ýnıversıtetin ekonomıst jáne zańger mamandyqtary boıynsha bitirgen.
Eńbek jolyn 1995 jyly Qazaqstan Respýblıkasy Ulttyq komıssııasynyń mamany qyzmetinen bastaǵan.
1996 jyldan 2007 jyldar aralyǵynda «Azyq-túlik kelisimshart korporasııasy» AQ bólim basshysy, basqarma bastyǵynyń orynbasary, basqarma basshysy, departament dırektory jáne basqarýshy dırektor qyzmetterin atqardy.
2007 jyly «Azyq-túlik kelisimshart korporasııasy» AQ-nyń vıse-prezıdenti boldy.
2007–2008 jyldary Qazaqstan Respýblıkasy Prezıdentiniń Is Basqarmasy Qazaqstan Respýblıkasy Parlamentiniń Sharýashylyq basqarmasy bastyǵynyń orynbasary.
2008–2011 jyldary – Qazaqstan Respýblıkasy Prezıdenti Ákimshiligi Aýmaqtyq-uıymdastyrý jáne memlekettik baqylaý bóliminiń memlekettik ınspektory.
2011–2014 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi bolyp qyzmet atqarǵan.
2014 jyldan 2016 jylǵa deıin Qazaqstan Respýblıkasy Aýyl sharýashylyǵynyń vıse-mınıstri.
2016 jyldan 2019 jyl aralyǵynda VI saılanǵan Qazaqstan Respýblıkasy Parlamenti Mєjilisiniń depýtaty, Agrarlyq máseleler komıtetiniń tóraǵasy.
«Qurmet» ordenimen, Qazaqstan Respýblıkasy Prezıdentiniń Alǵys hatymen, «Tyńǵa 50 jyl» medalimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Táýelsizdigine 20 jyl» merekelik medaldarymen marapattalǵan.