«2018 jyly ótkizilgen áleýmettik zertteýdiń qorytyndysy oblys turǵyndarynyń 87,1%-y memlekettik tildi jetik meńgergenin kórsetti» deıdi Batys Qazaqstan oblystyq tilderdi damytý basqarmasynyń basshysy Aıgúl Myńbaeva.
Basqarma basshysynyń aıtýynsha, óńir turǵyndarynyń memlekettik tildi meńgerý deńgeıin baǵalaý maqsatynda jyl saıyn «Qaztest» júıesi boıynsha testileý uıymdastyrylady. Memlekettik tildi kópshiliktiń qoldanýyna qol jetkizý jáne ony paıdalaný aıasyn keńeıtý boıynsha júıeli jumys júrip jatyr.
Mysaly, 2018 jyly Bórli, Zelenov, Terekti, Tasqala aýdandary ákimdikteri, Batys Qazaqstan oblysynyń qarjy basqarmasy, Batys Qazaqstan oblysy Tótenshe jaǵdaılar departamenti jáne «QazTransGazAımaq» AQ Batys Qazaqstan óndiristik fılıaly mekemelerine óz salasynda memlekettik tildiń qoldanys deńgeıin kóterý, til týraly zańnama talaptarynyń saqtalýyn baqylaý jóninde usynbalar berilip, túzetý sharalary alynǵan.
Tilderdi damytý basqarmasy jyl saıyn oblys turǵyndaryna memlekettik tildi oqytý kýrstaryn uıymdastyryp júr. Kýrsqa 2017 jyly 670, 2018 jyly 1005 tyńdaýshy qamtylyp, sertıfıkatqa ıe bolǵan. Al bıyl 1010 adamdy qamtý josparlanǵan eken.
Basqarmanyń aldynda turǵan taǵy bir mindet – latyn álipbıine qatysty túsinik jumystary. «Qazaq tili álipbıin kırıllısadan latyn grafıkasyna kóshirý týraly» Qazaqstan Respýblıkasy Prezıdentiniń 2018 jylǵy 19 aqpandaǵy №637 Jarlyǵyn qoldaý maqsatynda bilim berý salasynyń qyzmetkerlerimen, etno-mádenı ortalyq ókilderimen, memlekettik mekeme qyzmetkerlerimen, Qazaqstan halqy Assambleıasynyń múshelerimen, stýdenttermen, qala jáne aýdan turǵyndarynyń qatysýymen 200-den astam is-shara ótkizilgen. Bul jıyndarǵa jalpy 134706 adam qatysypty.
Basqarmada «Jedel jeli» qyzmeti jumys isteıdi. «Azamattar kóshede, kópshilik oryndarda syrtqy kórneki aqparatta ketken grammatıkalyq, stılıstıkalyq qateni kórse, aqparattyń tek tilde ornalastyrylǵanyn baıqasa, sýretke túsirip alyp, bizge jiberýine bolady. Biz tez arada tekserip, shara qoldanamyz» deıdi basqarma basshysy.
«Qoǵamdyq til ınspeksııasy» sheńberinde 2018 jyly Batys Qazaqstan oblysynda 310 kásipkerlik nysanyna basqarma ishki jáne syrtqy kórneki aqparatyn retteý boıynsha ádistemelik kómek kórsetipti. «Maqsatymyz – kásipkerdi jazalaý emes, qateni túzetý, memlekettik tildiń mártebesin bıik etý, - deıdi Aıgúl Myńbaeva.