«Qazaqstan Respýblıkasynyń keıbir zańnamalyq aktilerine bıznes-ortany damytý jáne saýda qyzmetin retteý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zań jobasymen Salyq kodeksine úsh quraýyshty ıntegrasııalanǵan júıesin dara kásipkerlermen óz erkimen qoldanýdy kózdeıtin túzetýler engiziletinin habarlaıdy. Bul týraly Memlekettik kirister komıtetiniń baspasóz qyzmeti habarlady.
Úsh quraýyshty ıntegrasııalanǵan júıe taýarlardyń esepke alynýyn, saýdany basqarýdy, qyzmetter kórsetýdi, jumystar oryndaýdy avtomattandyrýǵa arnalǵan jáne derekterdi tirkeý jáne berý fýnksııasy bar baqylaý-kassa mashınasynan, qolma-qol aqshasyz tólemderdi qabyldaýǵa arnalǵan júıeden, sonymen qatar esepti avtomattandyrý júıesimen jaraqtandyrylǵan jabdyqtan (qurylǵydan) turady.
Úsh quraýyshty ıntegrasııalanǵan júıesi men onyń esebi, ony ornatý tártibi men qoldaný boıynsha talaptary Ulttyq ekonomıka mınıstrligi, Aqparat jáne kommýnıkasııa mınıstrligi jáne Qazaqstan Respýblıkasy Ulttyq bankiniń kelisimderi boıynsha Qarjy mınıstrligimen belgilenedi.