Syrtqy ister mınıstriniń orynbasary Erjan Ashyqbaevtyń basshylyǵymen Qazaqstan Respýblıkasynyń delegasııasy BUU Adam quqyqtary jónindegi Keńesiniń (AQK) Joǵary deńgeıli Segmenti (JDS) jáne Qarýsyzdandyrý jónindegi Konferensııa sheńberindegi jumysyn bastady. Bul týraly SIM baspasóz qyzmeti habarlady.
AQK JDS sessııa qatysýshylarynyń aldynda sóz sóıleý kezinde qazaqstandyq dıplomat BUU Qaýipsizdik Keńesiniń múshesi bola tura, elimizdiń jahandyq deńgeıde adam quqyqtaryn saqtaýǵa, izgiliktik kúızeliske yqpal etýge, janjaldaǵy áıel jáne bala quqyqtaryn qorǵaýǵa joǵary nazar aýdaratyndyǵyn atap ótti.
Ulttyq deńgeıdegi adam quqyqtaryn qorǵaýǵa qatysty Qazaqstan delegaty demokratııalyq qundylyqtardyń «Qazaqstan 2050» strategııasyna negizdelip, Ekonomıkalyq yntymaqtastyq pen damý uıymyna múshe bolý jolyndaǵy progrestiń ındıkatory bolyp tabylatyndyǵyn aıtty. Elbasynyń qazandaǵy Qazaqstan halqyna Joldaýynda ulttyq quqyq qorǵaý júıesin ári qaraı nyǵaıtý, azamattardyń saıası, áleýmettik jáne ekonomıkalyq quqyqtaryn budan ári iske asyrý boıynsha is-sharalar baıandalǵan. Sonymen qatar, E. Ashyqbaev BUU adamı quqyq mehanızmderin oryndaý boıynsha ótkizilip jatqan júıelik jumys jóninde habarlady.
Jumys tıimdiligin joǵarylatý jáne AQK qurylymdyq jumysyna jetý maqsatynda qazaqstandyq dıplomat Keńes kúntizbesindegi barlyq máselelerdi qarastyrý barysynda beıtaraptylyqty, teń quqyly dıalogty jáne teńgerimdi kózqarasty tanytýdyń mańyzdylyǵy atady. Qazaqstan AQK jumysyndaǵy óz kózqarasyn alǵa jyljytý maqsatynda 2022-2024 jyldar aralyǵyna óz kandıdatýrasyn Keńes músheligine usyndy.
Qarýsyzdaný jónindegi konferensııada sóz sóılegen E. Ashyqbaev Konferensııa úshin mereıtoılyq jyl – 40 jyl buryn BUU músheleri qarýsyzdaný jónindegi forým qurý týraly sheshim qabyldaǵanyn, «Nevada – Semeı» Halyqaralyq ıadrolyq qarýǵa qarsy qozǵalysynyń 30 jyldyǵymen jáne Qazaqstannyń ıadrolyq qarýdy taratpaý týraly shartqa qosylýynyń 25 jyldyǵymen tuspa-tus keletinin atap ótti.
Qazaqstan delegasııasynyń basshysy álemdegi kúrdeli jaǵdaıdy, qarýsyzdanýdyń negizgi máseleleri boıynsha jetekshi derjavalardyń kelispeýshilikterin eskere otyryp, Qazaqstan Prezıdenti Nursultan Nazarbaevtyń bastamashylyq etken belsendiligin atap ótti. Jahandyq antııadrolyq qozǵalys kúmán týdyrmaıdy. Mınıstrdiń orynbasary, senimdi qalpyna keltirýde barlyq memleketterdiń ózara birlesip jumys isteý mańyzdylyǵyn eskerip, bul óz kezeginde qazirgi zamannyń kóptegen problemalaryn sheshýdiń kilti bolyp tabylatynyn basa aıtty.
Bul turǵyda Qazaqstan BUU Bas hatshysy Antonıý Gýterrıshtiń «qarýsyzdaný jónindegi kún tártibine» praktıkalyq úlesin qosyp, barlyq ıadrolyq qarýsyz aımaqtar arasyndaǵy yntymaqtastyq tetigin qurý jáne Astanada barlyq aımaqtar ókilderiniń kezdesýin ótkizý jónindegi bastamany qoldaıdy.
Sondaı-aq is-shara alańdarynda E. Ashyqbaevtyń BUU Eýropalyq ekonomıkalyq komıssııanyń Atqarýshy hatshysy Olga Algaerovamen kezdesýi ótti. Atqarýshy hatshy 2018 jyly Ortalyq Azııa elderiniń ekonomıkasy úshin BUU Arnaıy Baǵdarlamasyndaǵy (SPEKA) Qazaqstannyń tıimdi tóraǵalyq etýin jáne Baǵdarlamanyń 20 jyldyǵyna oraı Almaty qalasynda SPEKA sharalaryn sátti ótkizgendigin atap ótip, Transshekaralyq aǵyn sýlar men halyqaralyq kólderdi qorǵaý jáne paıdalaný týraly Konvensııa sessııasyn ótkizgendigi, sondaı-aq jahandyq deńgeıde Qazaqstannyń Sý konvensııasynda tóraǵalyq etkendigi úshin alǵys bildirdi.
E. Ashyqbaev jol qozǵalysynyń qaýipsizdigi, turǵyn úı sharýshalyǵy men qala damýy, kóliktiń básekege qabilettiligi, ekologııalyq saıasat, saýdany retteý boıynsha BUU EEK sarapshylary ótkizgen konsýltatıvtik jáne sarapshylyq jumystaryn joǵary baǵalady.