Parlament Májilisi Berik Ospanovty Agrarlyq máseleler komıtetiniń tóraǵalyǵyna saılady. Bul týraly QazAqparat habarlady.
«Parlament Májilisi Agrarlyq máseleler komıteti tóraǵasy basqa qyzmetke aýysýyna baılanysty biz komıtet tóraǵasyn saılaýymyz qajet. Osy oraıda zańnamaǵa sáıkes, bos orynǵa depýtat Berik Serikuly Ospanovtyń kandıdatýrasyn usynamyn», - dedi Májilis tóraǵasy Nurlan Nyǵmatýlın palatanyń jalpy otyrysynda.
Depýtattar Berik Serikuly Ospanovtyń kandıdatýrasyn biraýyzdan qoldady.
Aıta keteıik, Berik Ospanov Agrarlyq máseleler komıtetiniń múshesi retinde qyzmet etýde. Osyǵan deıin biraz jyl boıy aýyl sharýashylyǵy salasynda qyzmet atqardy. Ol zańger mamandyǵyn meńgergen, sondaı-aq6 ekonomıka ǵylymdarynyń doktory dárejesin alǵan.
Budan buryn habarlanǵandaı, Májilis depýtaty, Agrarlyq máseleler komıtetiniń tóraǵasy Saparhan Omarovtyń ókilettigi merziminen buryn toqtatyldy.
Jaqynda Saparhan Kesikbaıuly Aýyl sharýashylyǵy mınıstri qyzmetine taǵaıyndaldy.