Jasyna qaramastan kez-kelgen adam mamandyǵyn ózgerte alady, dep habarlaıdy Astana qalasy ákimdiginiń resmı saıty.
Jumysqa ornalasý úshin Halyqty jumyspen qamtý ortalyǵyna kelip tirkelý kerek. Azamattar ózimen birge jeke kýálik, eńbek kitapshasy, bilimi týraly dıplom, biliktiligi jáne arnaıy bilimi nemese kásibı daıyndyǵy bary týraly qujatty tapsyrýy kerek. Budan keıin túıindeme enbek.kz portalyna ornalastyrylady. Sodan soń kandıdatqa suranysqa ıe mamandyqtardyń ár túrli nusqalary usynylady.
«Jumys izdep júrgen jandarǵa jumystan bólek qysqa merzimdi oqý usynamyz. Mundaı oqytý dıplomy, biliktiligi joq nemese mamandyǵyn aýystyrǵysy keletinderge arnalǵan. Oqý tańdaǵan mamandyǵyna qaraı 1 nemese 3 aıǵa sozylady. Odan keıin oqýdan ótken maman eger óz isin ashqysy kelse, soǵan qural jabdyq alǵysy kelse, memlekettik grant alýǵa ótinish bere alady», – deıdi Astana qalasy ákimdiginiń Halyqty jumyspen qamtý ortalyǵynyń baspasóz hatshysy Dana Turǵynova.
Jyl basynan Astanada 408 adam turaqty jumysqa ornalastyrylǵan.