«Nur Otan» partııasynyń XVIII sezinde Elbasy Úkimetke úsh máselege baılanysty tapsyrma berdi.
Atap aıtar bolsaq:
1. Az qamtylǵan otbasylardyń járdemaqysyn kóbeıtý; 2. Jalaqysy tómen azamattardyń turǵyn úı máselesin sheshý, bilim men densaýlyq saqtaý júıelerin jaqsartý; 3. Aımaqtardy keshendi damytý.
Bul rette Densaýlyq saqtaý salasyn damytýǵa qosymsha 120 mlrd teńge bólinetini málim boldy.
Memleket basshysy qoǵamdyq densaýlyq pen alǵashqy medısınalyq kómekke bólinetin qarajattyń jalpy densaýlyq saqtaý salasyna qarastyrylǵan aqshanyń 40 paıyzynan 60 paıyzǵa deıin arttyrylýy tıis ekenin aıtty. Odan bólek, atalǵan salany damytýǵa qosymsha 120 mlrd teńge bólinetindigin atap ótti.