Qarjy mınıstrligi birqatar joǵary oqý ornyn satylymǵa shyǵardy dep habarlaıdy QazAqparat.
2019 jylǵy 7 naýryzda aýksıon ótedi, bul rette bastapqy baǵa aldyn ala jarııalanǵan qadammen joǵarylaıdy jáne eń joǵary baǵa usynǵan tulǵa jeńimpaz dep tanylady. Respýblıkalyq menshiktegi nysandardyń qatarynda – Abylaı han atyndaǵy Qazaq halyqaralyq qatynastar jáne álem tilderi ýnıversıteti, О́. Baıqońyrov atyndaǵy Jezqazǵan ýnıversıteti, Qazaq bas sáýlet-qurylys akademııasy, Almaty energetıka jáne baılanys ýnıversıteti bar.
Almaty energetıka jáne baılanys ýnıversıtetinen (33,65%) basqa ýnıversıtetterdiń 35% úlesi satylmaq.
Satylatyn nysandardyń bastapqy baǵasy ártúrli. Abylaı han atyndaǵy Qazaq halyqaralyq qatynastar jáne álem tilderi ýnıversıteti 1 711 278 931,00 teńge, al kepildik jarna – 75 750 000,00 teńge baǵamen qoıylady. О́tinimder 7 naýryz kúni tańǵy saǵat 8-ge deıin, aýksıon bastalýdan 2 saǵat buryn qabyldanady. О́. Baıqońyrov atyndaǵy Jezqazǵan ýnıversıteti 336 396 968,00 teńge, Qazaq bas sáýlet-qurylys akademııasy - 2 522 061 695,00 teńge, Almaty energetıka jáne baılanys ýnıversıteti- 1 401 617 089,00 teńge dep baǵalanyp otyr. Sondaı-aq sý jáne qoldanbaly sport túrleri boıynsha respýblıkalyq joǵary sport sheberligi mektebi 331 060 000,00 teńge bastapqy baǵamen saýdaǵa shyǵaryldy. Obekt elektrondyq tender arqyly satylady. Onda qatysýshylar tizilimniń arnaıy bólingen veb-betinde jabyq elektrondyq konvertke júkteletin óziniń baǵa usynystaryn málimdeıdi.