Memleket basshysy oblystyq jáne jergilikti mańyzy bar avtojoldardyń sapasyn arttyrýǵa 350 mıllıard teńge bólýdi tapsyrdy.
«Bizdiń balalarymyz, shóberelerimiz osy joldarmen júredi. Zamanaýı joldar jelisin keńeıtý - úkimettiń negizgi mindeti. Onyń oryndalýyn partııalar baqylaýy tıis. Osyny júzege asyrý úshin 350 mıllıard teńge bólýdi tapsyramyn. Osy aqshany durys jumsaǵan jaǵdaıda 2025 jyly oblystyq jáne jergilikti mańyzy bar avtojoldardyń sapasy 95 paıyzǵa jaqsarady dep sanaımyz» dedi N.Nazarbaev «Nur Otan» partııasynyń kezekti XVIII sezinde.
Elbasynyń aıtýynsha, óńirlik transporttyq ınfraqurylymdardyń barlyq nysanyn jaqsartýǵa da osy qarajat jumsalady. Áýejaılar men temirjol vokzaldaryndaǵy joldardyń da sapasy jaqsaratyny aıtylady.