Azamattyq qorǵaýdyń memlekettik júıesin uıymdastyrýdy jetildirý, basqarý organdaryn, kúshter men quraldardy aldaǵy kóktemgi sý tasqynyna daıyndaý maqsatynda Qostanaı oblysynda «Kóktem-2019» respýblıkalyq komandalyq-shtabtyq oqý-jattyǵýlar bastaldy.
Aldymen oblystyq Tótenshe jaǵdaılar departamentiniń bastyǵy azamattyq qorǵaý polkovnıgi Talǵat Kákimov oblystyq joǵary ázirliktegi shuǵyl den qoıý jasaǵynyń baıqaýyn ótkizdi. О́rt sóndirýshiler, qutqarýshylar jáne polıseıler, qalanyń kommýnaldyq jáne jol kásiporyndarynyń quralymdary úlken kópirdiń atqy jaǵynda, Aq-Shańyraq meıramhanasy aýmaǵynda sapqa turdy. Bul jerde shtattan tys jaǵdaılarǵa qajetti tehnıka ornalasqan.
Ár túrli qyzmetter men uıymdardyń qyzmetkerleri oblystyq TJ basshysynyń aldynda 125 adam jáne 43 birlik tehnıka jaýyngerlik daıyndyqta boldy. Azamattyq qorǵaý polkovnıgi Talǵat Kákimov jasaqtyń sý tasqyny kezeńindegi tótenshe jaǵdaılarǵa daıyndyǵyn: tehnıka jáne jabdyqtarmen jasaqtalýyn, apat nemese sý tasqyny kezeńinde tótenshe jaǵdaı qalyptasqan jaǵdaıda jeke quramnyń laýazymdyq jáne qyzmettik mindetterin qanshalyqty bilýin tekserdi.
Oqý-jattyǵý kezinde Qostanaı qalasynyń mańaıyndaǵy sý shaıatyn oryndarda apattyń aldyn alý jumystary jáne evakýasııalyq jumystarǵa daıyndyq barysy qaraldy.
Názıra Járimbet,
«Egemen Qazaqstan»
Qostanaı