Dzıýdodan Qazaqstannyń áıelder quramasy ózderiniń kezekti oqý-jattyǵý jıynyn Almaty oblysy aýmaǵynda ornalasqan Olımpıadalyq daıarlaý ortalyǵynda ótkizdi.
Bıylǵy maýsym lısenzııalyq týrnırlerge toly. Sol jarystarda sátti óner kórsetken sportshylarǵa ǵana Olımpııa oıyndarynda baq synaý baqyty buıyrady. Odan bólek, álem jáne qurlyq chempıonaty, basqa da kóptegen baıraqty básekeler bar. Aıtýly dodalarǵa tabysty óner kórsetý úshin jattyǵý prosessin durys ótkizý qajet. Sol sebepti de bul joly biz Almaty oblysy aýmaǵyndaǵy Olımpıadalyq daıarlaý ortalyǵynda oqý-jattyǵý jıynyn ótkizdik, – deıdi Qazaqstannyń áıelder quramasynyń bas bapkeri Erlan Alpysbaev.
Rasynda da elimizde áıelder dzıýdosy qazir aqsap tur. Qazaqstannyń týy astynda óner kórsetetin balýandar arasynan tek Otgonseseg Galbadrahtyń ǵana qarqyny qýantarlyq. Búgingi tańda ol álemdik reıtıngte segizinshi orynda tur. О́zge arýlarymyzdyń tegeýrini tym baıaý. Tipten, olardyń «TOP-30» dzıýdoshynyń qataryna enýdiń ózi muń bolyp tur. Sony retke keltirý úshin osyndaı sapaly jıyndar qajet.
Jer janaty – Jetisý óńirde ótken oqý-jattyǵý jıynyna elimizdiń eń úzdik 16 sportshysy qatysty. Olar endi 8-10 naýryz aralyǵynda Marokkoda ótetin Gran-prı týrnırinde kúsh synasady. Al qosalqy qurama Chehııaǵa attanyp, 2 naýryzda shymyldyǵy túriletin Eýropa kýbogynda óner kórsetedi.
Ǵalym SÚLEIMEN,
«Egemen Qazaqstan»