28 aqpan 2 naýryz aralyǵynda Qazaqstanda turaqsyz aýa raıy kútiledi, dep habarlady «Qazgıdromet» RMK baspasóz qyzmetinen.
«Qazaqstanda aldaǵy kúnderi turaqsyz aýa raıy kútiledi. Respýblıkanyń soltústik bóliginde keı jerlerde qar, burqasyn, kóktaıǵaq kútiledi. Ońtústik bólikte jaýyn-shashyn, arty qarǵa ulasatyn jańbyr, tuman, kóktaıǵaq jáne kúndizgi temperatýralar 5-18 gradýs jylyǵa deıin kútiledi. Respýblıkanyń búkil aımaǵynda aýa temperatýrasy klımattyq mánnen joǵary kútiledi», dep atap ótti sınoptıkter.