Atyraý Servıs kolledjinde «Smaılık» dep atalatyn aıryqsha kafe ashyldy. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti ótkizgen «Adaldyqpen qaıyrymdylyqqa bir qadam» aksııasy osyndaı bastamaǵa uıytqy boldy.
«Adaldyq kafesiniń» jumysy ózine-ózi qyzmet kórsetý júıesi boıynsha uıymdastyrylǵan. «Munda oqytýshylar men stýdentter ózderine qajet taǵamdardy alyp, aqshany kassalyq jáshikke qaldyryp, esep aıyrysady. Iаǵnı, dúkende satýshy joq, satyp alýshylar óz-ózderine qyzmet kórsetedi. Taǵy bir ereksheligi, barlyq taǵamdy kolledjdegi aspazshy mamandyǵynda oqıtyn stýdentter daıyndaıdy. Bul stýdentterdiń oqýdan bólek tájirıbelik daǵdylaryn damytýǵa septigin tıgizedi»,- deıdi departamenttiń baspasóz hatshysy Dınara Luqpanova.
Jastardy adaldyqqa, qaıyrymdylyqqa shaqyratyn joba aıasynda túsken qarjy oqý ornynda bilim alyp jatqan jetim jáne ata-ana qamqorlyǵynsyz qalǵan, múmkindigi shekteýli stýdentterdiń qajettiligine jumsalady.
Baqytgúl BABASh,
«EgemenQazaqstan»
ATYRAÝ