Krasnoıarsk qalasynda HHIH dúnıejúzilik qysqy ýnıversıadada dopty hokkeıden Qazaqstan quramasy bastapqy kezdesýin reseıliktermen ótkizedi. Bul týraly QazAqparat HAA habarlady.
Reseı dopty hokkeı federasııasynyń saıtynan alynǵan málimetke qaraǵanda, ýnıversıada baǵdarlamasyna birinshi ret engizilip otyrǵan bendı jarysyna barlyǵy bes komanda qatysady. Atap aıtqanda, Shvesııa, Norvegııa, Reseı, Fınlıandııa jáne Qazaqstan quramalary júldelerdi sarapqa salady.
Buryn tizimge engen Belarýs komandasy kelmeıtin boldy. Qazaqstandyqtar kóktemniń alǵashqy kúni Ilıas Handaev jattyqtyratyn Reseı quramasymen sheberlik baıqasady. Sodan keıin 3 naýryzda fındermen, 4-inde shvedtermen, 5-inde norvegtermen kezdesedi. 9 naýryzda jartylaı fınaldyq matchtar ótip, 10-ynda jeńimpazdar anyqtalady. Eske sala keteıik, budan buryn Qazaqstan quramasy sapynda oraldyq maman Nıkolaı Shavaldın jattyqtyratyn «Aqjaıyqtan» segiz birdeı hokkeıshi oınaıtynyn, qazaqstandyqtardyń ýnıversıadaǵa attanǵanyn jazǵan bolatynbyz.
Bendıden el quramasy sapynda Berjan Ahmetjanov, Ardaq Orynbasar, Maksım О́tebalıev, Sultan Qadyrjanov, Qýanysh Temirálın, Bolat Muhıt, Ilıa Glýhov, Andreı Malyshev, Ershat Amangeldıev, Andreı Gýshın, Dáýren Oralov, Azat Bekturǵan, Nurbol Bókeshov, Anton Sveshnıkov, Ámir Qadyrjanov jáne Anton Mıhalkın bar.