Seısenbi, 11 jeltoqsan 2012 7:23
Nıgerııada belgisiz bireýler eldiń qarjy mınıstri Ngozı Okondjo Ivelanyń anasyn urlap ketken. «Frans-press» agenttiginińhabarlaýynsha, mınıstrdiń anasy professor Kamene Okondjo ótkenjeksenbi kúni óz úıinde urlanǵan.
Seısenbi, 11 jeltoqsan 2012 7:23
Nıgerııada belgisiz bireýler eldiń qarjy mınıstri Ngozı Okondjo Ivelanyń anasyn urlap ketken. «Frans-press» agenttiginińhabarlaýynsha, mınıstrdiń anasy professor Kamene Okondjo ótkenjeksenbi kúni óz úıinde urlanǵan.
Qarjy mınıstrliginiń taratqan aqparattaryna qaraǵanda, bul qylmystyq árekettiń artynda kimder turǵany ázirge belgisiz. Mınıstrlik ókilderi bul ádeıi, aldyn ala oılastyrylǵan áreketter bolýy múmkin degen boljam jasaıdy. Sebebi, burynyraqta Ngozı Okondjo Ivelanyń atyna bolýy yqtımal áreketter jóninde aqparat túsken eken. Jergilikti BAQ-tar qarjy mınıstriniń eldegi sybaılas jemqorlyqpen belsendi kúresýshi tulǵa ekenin jazady. Keıbir derek kózderi boıynsha, mınıstrdiń anasynyń urlanýy odan ótemaqy talap etýinde jatyr. Elde mundaı jaǵdaılar jıi bolyp turatyn sııaqty.
Murageriniń aty-jónin atady
Venesýela prezıdenti Ýgo Chaves eger ol densaýlyǵyna baılanysty memleket basshysy mindetin atqara almaıtyn jaǵdaıda, óziniń murageriniń kim bolatynyn atady. El basshysy qazirgi kezde Kýbada raktan emdelip jatyr.
«Reıter» agenttiginiń jazýynsha, saılaý bola qalǵan jaǵdaıda, Ýgo Chaves Venesýela halqyn 50 jastaǵy vıse-prezıdent Nıkolas Madýroǵa daýys berýge shaqyrdy. «Ol – naǵyz revolıýsıoner, óz isine shyn berilgen tulǵa», – depti Ýgo Chaves. Degenmen, saıasattanýshylar N.Madýroda ondaı qasıetter kemshin soǵyp jatatynyn, ásirese, ol áskerılerdiń yqylasyna bólene almaıtynyn alǵa tartady. О́ıtkeni, úkimet bıligindegi birqatar oryndarda áskerıler otyr. Ý.Chavesten osy jyldyń 8 jeltoqsanynda qaterli isik aýrýynyń jańa belgileri tabylǵany málimdelgen edi.
Prezıdenttikke qaıta saılandy
Djon Dramanı Mahama Gananyń prezıdenti bolyp qaıta saılandy. «Frans-press» agenttiginiń aqparattary boıynsha, eldiń qazirgi prezıdenti saılaýshylardyń 50,7 paıyzyn, al onyń negizgi básekelesi Nana Akýfo-Addo 47,74 paıyz daýys alǵan.
Jeńilgen saıasatker N.Akýfo-Addo daýys berýdiń aldyn ala nátıjesi shyǵa salǵanda-aq, ol saılaý óreskel burmalaýshylyqtarmen ótkenin málimdepti. Sondaı-aq, onyń partııalastary saılaýdyń ádil ótpegendigin aıǵaqtaıtyn málimetter men dálelder jetkilikti ekendigin aıtqan. Ásili, jeńiske Akýfo-Addo jetti degen boljamdy alǵa tartady. Prezıdenttik saılaýǵa attary atalǵan kandıdattarmen birge, taǵy alty úmitker qatysqan edi. D.Mahama osy jyldyń shildesinde, prezıdent Djon Atta qaıtys bolǵannan keıin prezıdenttikti qolǵa alǵan bolatyn.
Qysqa qaıyryp aıtqanda:
Prezıdent Islam Karımov 2013 jyldy О́zbekstannyń ósip-órkendeý jyly dep jarııalady. Muny ol el konstıtýsııasynyń 20 jyldyǵyna baılanysty saltanatty jıynda málimdedi.
Meksıkalyq qutqarýshylar bortynda ánshi Djennı Rıverdiń jáne tórt jolaýshy men eki ekıpaj músheleriniń máıitteri bar ushaq synyqtaryn tapty.
Mysyrdaǵy ahýal áli tynshymaı tur. Prezıdent Mohammad Mýrsıdiń jaqtastary men qarsylastary arasyndaǵy daý-damaı jalǵasýda.
Iran quqyq qorǵaý organdary eldiń Pákstanmen shekarasyna jaqyn mańda 11 tonna esirtki tárkiledi. Bul el tarıhynda buryn-sońdy kezdespegen oqıǵa dep baǵalanýda.
Odessa oblysynyń prokýratýrasy adam ólimine soqtyrǵan «Bellını» klýbyndaǵy atys týraly qylmystyq isti qaıta jalǵastyrdy.
Burynǵy basshynyń qatelikterin túzetýde
Reseı qorǵanys mınıstri Sergeı Shoıgý burynǵy mınıstr Anatolıı Serdıýkovtyń kezinde qarýly kúshter qatarynan bosatylǵan ofıserlerdi qaıta qyzmetke alýǵa ýáde berdi. Bul jóninde «Novostı» aqparat agenttigi habarlady.
«Ǵylym men áskerı bilim berýdiń maqtanyshyna aınalǵan ofıserlerdi qaıtadan qarýly kúshter qataryna alamyz», – dedi mınıstr prezıdent Vladımır Pýtınniń senimdi ókilimen kezdesý barysynda. A.Serdıýkovtyń tusynda ofıserler korpýsyn qysqartý Reseı qarýly kúshterin reformalaý aıasynda júzege asyrylǵan edi. Osyǵan baılanysty ofıserler quramy 335 myńnan 220 myń adamǵa deıin qysqardy. Keıbir basylymdarda jaryq kórgen materıaldarda qorǵanys mınıstrliginde buǵan deıin júrgizilgen reformalarǵa kópshilik qanaǵattanbaıdy. Sondyqtan jańa mınıstr qarýly kúshterdiń mártebesin kóterýge kúsh salýy qajet. A.Serdıýkov «Oboronservıstegi» jemqorlyqqa baılanysty mınıstr qyzmetinen ketken bolatyn.
Qorqytamyn dep qyzmetimen qoshtasty
Jergilikti basylymdardyń jazýynsha, Perýdiń eńbek mınıstri Hose Vıllena Arekıp qalasyndaǵy áýejaıda bolǵan óreskel jaǵdaılarǵa baılanysty mınıstr qyzmetimen qosh aıtysqan. Buǵan onyń áýejaı qyzmetkerlerin balaǵattaǵany sebep bolǵan.
Lan Peru avıakompanııasy qyzmetkeriniń sózine qaraǵanda, mınıstr Hose Vıllena áýejaıǵa keshigip kelgen. Bul kezde ushaq ushý-qoný alańynda ushýǵa daıar turǵan. Al mınıstr bolsa, áýejaı qyzmetkerlerinen ushaqty toqtatýdy talap etken kórinedi. Al olar mınıstrdiń talabyn qabyldamaǵan. Ol áýejaı qyzmetkerlerin jumystan bosatqyzamyn dep qorqytqan da sııaqty. Tipti bireýin uryp ta jiberipti. Qateligin kesh túsingen mınıstr otstavkaǵa ketýge májbúr boldy.
Qylmyskerdi eline qaıtardy
Birikken Arab Ámirlikteri Qyrǵyzstan quqyq qorǵaý organdaryna eldegi asa iri qylmystyq toptyń jetekshisi Qamchybek Kólbaevty tapsyrdy.
«Novostı» aqparat agenttiginiń málimetteri boıynsha, Q.Kólbaev qazirgi kezde Bishkektegi tergeý abaqtysynda. Kólbaev sondaı-aq «Kolıa-qyrǵyz» degen laqap atymen qylmys álemine tanymal. Ol 2000 jyly birneshe adamdy óltirgeni úshin 25 jylǵa sottalǵan, alty jyl buryn túrmeden qashyp ketken. Ustalǵanǵa deıin Birikken Arab Ámirlikterinde boı tasalap kelipti.
Internet materıaldary negizinde ázirlendi.