Aýyl sharýashylyǵy mınıstrligi delegasııasy vıse-mınıstr G. S. Isaevanyń basshylyǵymen Qytaı Halyq Respýblıkasyna sapary barysynda Pekın qalasynda QHR Kommersııa mınıstrligimen kelissózder júrgizildi. Bul týraly AShM baspasóz qyzmeti habarlady.
QHR Kommersııa mınıstrligi Qytaıdyń Qazaqstannan aýyl sharýashylyǵy ónimderi men azyq-túlik ónimderin ımporttaýǵa degen joǵary qyzyǵýshylyǵyn atap ótti.
Bul rette, Qytaı tarapy qazaqstandyq aýyl sharýashylyǵy ónimderiniń ekologııalyq tazalyǵyn atap ótti.
Taraptar aýyl sharýashylyǵy ónimderin satý jáne Qazaqstan-Qytaı saýda-ekonomıkalyq yntymaqtastyq jónindegi komıtetiniń janyndaǵy Yntymaqtastyq jónindegi jumys toby sheńberinde kelesi baǵyttar boıynsha yntymaqtasýǵa ýaǵdalasty:
- QHR kommersııa mınıstrliginiń qoldaýymen Qazaqstannan Qytaıǵa ımporttyq tapsyrystardy uıymdastyrý (mysaly, óńiraralyq yntymaqtastyq sheńberinde Shansı provınsııasyna qazaqstandyq aýyl sharýashylyǵy ónimderin jetkizý);
- О́ńiraralyq yntymaqtastyqty kúsheıtý, aǵymdaǵy jyldyń kókteminde QR-da óńiraralyq yntymaqtastyqtyń ekinshi forýmyn ótkizý;
− Elektrondy saýda alańdary arqyly qazaqstandyq aýyl sharýashylyǵy ónimderin Qytaı naryǵyna jyljytý, jumys tobynyń kezekti otyrysy aıasynda AО́K ónimderiniń elektrondyq saýdasy boıynsha praktıkalyq semınar ótkizý;
- «Qorǵas» ShYHO-da veterınarlyq jáne fıtosanıtarlyq zerthana men elektrondyq saýda alańyn qurý boıynsha pılottyq jobany júzege asyrý»;
- Shyǵys Qazaqstan oblysynda birlesken veterınarııalyq zerthana qurý boıynsha pılottyq jobany júzege asyrý.