Mınskide jeńil atletıkadan 20 jasqa deıingi quramalar arasyndaǵy halyqaralyq matchtyq kezdesý aıaqtaldy dep jazady Olympic.kz.
Dástúrge aınalǵan jarysqa Qazaqstan, Belarýs, Ázirbaıjan, Latvııa, Lıtva, Izraıl, Ispanııa, Túrkııa, Ýkraına jáne Estonııa quramalary qatysty. Qazaqstannyń jasóspirimder quramasy alǵash ret eýropalyq úzdik komandalarmen birge halyqaralyq matchtyq kezdesý ótkizip otyr.
Týrnır qorytyndysy boıynsha Qazaqstan 76 upaımen on komandanyń arasynan 8-shi oryn ıelendi.
Bizdiń qurama sapynan Danıl Korr men Krıstına Ovchınnıkova júldeger atandy. Danıl 60 metrge kedergiler arqyly júgirýden, Krıstına bıiktikke sekirýden kúmiske qol jetkizgen bolatyn.
20 jasqa deıingi quramalar arasyndaǵy halyqaralyq matchtyq kezdesýde 195 upaı jınaǵan Ýkraına komandasy jeńiske jetti. Ekinshi orynda Ispanııa (185), úshinshi satyda Belarýs (182) quramalary ornalasqan.