4 naýryzda Almaty qalasynda Balýan Sholaq atyndaǵy sport saraıynda 2019 jyldyń 8 naýryzynan 22 naýryzyna deıin Abý-Dabıde , BAÁ-da Sheıh Muhammed bın ál-Nahaıannyń qamqorlyǵymen ótetin Dúnıejúzilik arnaıy olımpıada oıyndaryna múmkindigi shekteýli sportshylardy saltanatty túrde shyǵaryp salý rásimi ótedi. Qatysýshylardyń eń kóp sany - 7,5 myń sportshy, 24 sport túrinen 190 elden 2500 jattyqtyrýshy, 20 000 volonter, 500 myń kórermen qatysady.
Elimizdiń 8 aımaǵynan kelgen respýblıkalyq jarystardyń jeńimpazdary atanǵan 67 sportshy sporttyń ústel tennısi, tennıs, dzıýdo, júzý, paýerlıftıng, jeńil atletıka, voleıbol, basketbol, mını-fýtbol, golf, býks, gımnastıka, boýlıng, rolıkti konkı, badmınton syndy 15 túrinen, barlyǵy 98 adamnan turatyn Qazaqstan qurama komandasy qatysady.
Speshıal Olımpıks komandasyn Dúnıejúzilik olımpıadaǵa saltanatty túrde shyǵaryp salý rásimine Qazaqstan Respýblıkasynyń Sport komıteti, Qazaqstan Respýblıkasy Mádenıet jáne sport mınıstrligi, Qazaqstan Respýblıkasynyń Ulttyq olımpıadalyq komıteti, Almatydaǵy AQSh Konsýldyǵy men BAQ ókilderi shaqyryldy.
Abý-Dabıde ótetin Dúnıejúzilik oıyndar aıasynda Arnaıy olımpıadany qoldaýshy úkimet kóshbasshylary, ataqty tulǵalar, demeýshiler, búkil álemnen kelgen adamdardyń basyn qosatyn «Qurmetti qonaqtar» baǵdarlamasy júzege asyrylady. N.Á. Nazarbaev 14 naýryzda ashylý saltanatyna Qurmetti qonaq retinde qatysady dep kútilýde.
Buǵan deıin Elbasy «Speshıal Olımpıks Qazaqstandy» uıymdastyrýshylarǵa arnap: «Bizdiń elimizde myqty jáne deni saý azamattar taǵdyr talqysyna túsken jandarǵa árqashan meıirimdilik pen qaıyrymdylyq tanytyp, qol ushyn berip keledi. Shynaıy gýmanızmge toly izgi qoǵamda osy jaqsy dástúrdi saqtap qalýǵa degen umtylysqa búkil halyq qoldaýyn kórsetýge daıyn. Qymbatty dostar, Sizderge osy ıgi salada tabystar tileımin», degen bolatyn.
«Speshıal Olımpıks Qazaqstan» QB arnaıy bas dırektory Olga Sergeevna Bahareva : «Birikken Arab Ámirlikteriniń Abý-Dabı qalasynda ótetin Dúnıejúzilik arnaıy Olımpıada oıyndaryna Speshıal Olımpıks Qazaqstan 15-shi ret qatysýǵa laıyqty dep shaqyryldy. Árıne, biz úshin - bul tek joǵary mártebe ǵana emes, sonymen qatar sportshylardyń tabysqa jetý jolyndaǵy úlken jaýapkershiligi, ıaǵnı biz joǵary dárejedegi 10-ǵa jýyq marapatqa ıe bolýdy josparlap otyrmyz», dedi .
Almatyda oqý-jattyǵý jıyny aıaqtalyp, Qazaqstan komandasy 8 naýryzda Birikken Arab Ámirlikterine, odan keıin «Qabyldaýshy qala» baǵdarlamasy boıynsha Ras-Al-Haıma Ámirine barady. Onda Oıyndy uıymdastyrýshylar sportshylarǵa jattyǵýǵa, jergilikti klımatqa beıimdelýge, mádenı jáne ulttyq dástúrlermen tanysýǵa múmkindik jasaıdy. Komanda 11 naýryzda jeńiske jetýge degen umtylyspen Abý-Dabıge oralady.
«Speshıal Olımpıks Qazaqstan» QB nemese «Qazaqstan arnaıy olımpıadasy» múmkindikteri shekteýli jastar men jasóspirimderdi sportpen shuǵyldandyrý arqyly qoǵamǵa áleýmettený men ıntregrasııalaý maqsatynda 1990 jyly qurylǵan. 1993 jyldan bastap «Speshıal Olımpıks Qazaqstan» Qazaqstan Respýblıkasynyń Ulttyq Olımpıada Komıtetimen tanyldy jáne Speshıal Olımpıks Ink dep tirkeldi. KÁJ 24 sport túri boıynsha múmkindikteri shekteýli 20 myńnan astam balalardy, jasóspirimderdi qamtıdy, demeýshilerdiń qoldaýymen jyl saıyn 250-den astam jergilikti jáne respýblıkalyq deńgeıde jarystar ótkizedi. Speshıal Olımpıadanyń dostary - Qazaqstan Respýblıkasynyń Týrızm jáne sport mınıstrligi, oblys ákimdikteri, IýNISEF jáne sporttyq federasııalar bizdiń sportshylarǵa qoldaý kórsetedi.
1991 jyldan bastap Qazaqstan qurama komandalary ár túrli elderde 14 Dúnıejúzilik Jazǵy jáne qysqy Arnaıy Olımpıada Oıyndaryna qatysty. Osy ýaqyt ishinde olar 225 altyn, 221 kúmis jáne 160 qola medaldi jeńip aldy. Sonymen qatar bizdiń sportshylar bıik tuǵyrda turyp, Qazaqstandy álemge pash etken, Qazaqstannyń ımıdjin nyǵaıtqan alǵashqy azamattardyń biri boldy.
О́tken jyly Chıkago qalasynda SQB –nyń 50-jyldyq mereıtoıy keńinen atap ótildi, sol jaqta «Speshıal Olımpıks» qozǵalysy 1968 jyly bastalǵan edi. Iýnıs Kennedı Shraıverdiń bastamasy boıynsha. 1988 jyly HOK Prezıdenti Antonıo Samaranch jáne Speshıal Olımpıks Ink. Prezıdenti Iýnıs Kennedı Shraıh Speshıal Olımpıada qozǵalysy Olımpıada sózin óz ataýynda qoldanýǵa quqyly dep taný týraly memorandýmǵa qol qoıdy. Qazirgi ýaqytta 190-nan astam el Speshıal Olımpıks Ink. tirkelgen múshesi. 1968 jyldan bastap Dúnıejúzilik arnaıy olımpıadaǵa, kezekpen jazda jáne qys mezgilinde 2 jyl saıyn 5,5 mıllıonnan astam sportshylar 33 sport túrinen qatysady. Kóptegen bedeldi saıasatkerler, sport juldyzdary jáne estrada juldyzdary osy qozǵalysty búkil álemde qoldaıdy.
«Samuryq-Qazyna» Qory 2019 jyldyń 8 naýryzy men 22 naýryzy aralyǵynda Birikken Arab Ámirlikteriniń Abý-Dabı qalasynda ótetin Dúnıejúzilik jazǵy arnaıy olımpıadaǵa qatysatyn Speshıal Olımpıks qazaqstandyq sportshylaryna qoldaý kórsetpekshi.
Olga BAHARAEVA
«Qazaqstan Arnaıy Olımpıadasy» Bas dırektory