Munan bylaı Shymkentte júrgizýshi kýáligin zańsyz tirkeýdiń joly kesilmek. Osyǵan oraı qalalyq halyqqa qyzmet kórsetý boıynsha mamandandyrylǵan bólimi jergilikti kólik júrgizýshilerine arnap «Tegin qyzmetke aqy tóleme!» aksııasyn uıymdastyrdy.
Shymkent qalasyndaǵy mamandandyrylǵan HQO úsh jyl boıy memlekettik qyzmetterdi standarttarǵa sáıkes qoldanylatyn bıznes-úrdister boıynsha júrgizýde. Munda kún saıyn 200-ge jýyq júrgizýshi kýáligi berilip, 1000-nan astam kólik quraldary tirkeledi.
«Onlaın rejımdegi qyzmetti alý mehanızmi óte qarapaıym. Ol úshin egov.kz portalyna kirip, ótinimdi toltyryp jáne óziniń jeke elektrondy sıfrlyq qoltanbasymen (ESQ) qol qoısa jetkilikti. О́tinimge fotosýret jáne qoltańbanyń skanerlengen sýreti qosa júkteledi. Jeke kabınette qujattyń daıyn ekendigi týraly habarlama alǵannan keıin (mobıldi azamattar bazasyna tirkelgennen keıin SMS-habarlama joldanady) mamandandyrylǵan HQO – ǵa baryp tek daıyn júrgizýshi kýáligin alyp ketedi. Aıta keteıin, jyl basynan beri onlaın rejımde qala boıynsha 80 astam avtokólik quraldary tirkelip, 20 jýyq júrgizýshi kýáligi berildi», - deıdi «Azamattarǵa arnalǵan úkimet» KE AQ Shymkent qalasy boıynsha fılıalynyń dırektorynyń orynbasary Jomart Úmbetalıev.
О́tken jyldan beri azamattar ózderine qolaıly kez-kelgen ýaqytta elektrondy úkimet portaly arqyly júrgizýshi kýáligin almastyryp, avtokólikti qaıta tirkeı alý múmkindigine ıe boldy. Bul azamattardyń ýaqytyn aıtarlyqtaı únemdeıdi jáne kezekke turý qajettigin boldyrmaıdy.
Sala mamandarynyń aıtýynsha mundaı is-sharalar halyqtyń sıfrlyq saýattylyǵyn arttyrýǵa jáne «kómek» dep atalatyn deldaldarmen kúresýge kómektesedi.
Nurshat TО́KEN,
«Egemen Qazaqstan»
Shymkent