Mańǵystaýda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentinde «Ashyq esik kúni» ótti.
Aıtýly kúnge oraı Departamenttiń tynys-tirshiligimen, baǵyt-baǵdarymen jáne atqaratyn jumystarymen tanys bolý úshin kelgender de az bolmady. Olardyń ishinde ózderiniń shaǵymdarymen, usynys suraqtarymen kelgen jastar kóp boldy. Atap aıtqanda, testileý kezeńderi jáne memlekettik qyzmetke ornalasý tártibi boıynsha saýaldarymen kelgen, sonymen qatar, jastar praktıkasy boıynsha memlekettik organdarda qyzmet etip júrgen bir top mamandar keldi.
Kelýshilerge Departamen qyzmetkerleri óńirimizdegi memlekettik qyzmetshilerdiń faktorly-baldyq shkala boıynsha eńbekaqy tóleýdiń jańa júıesi, memlekettik qyzmetshilerge arnalǵan testileýdiń kezeńderindegi jeke qasıetterin baǵalaýdyń jańa sharttaryn arnaıy ázirlengen paraqshalar arqyly túsindirip, memlekettik qyzmet salasyna enip jatqan jańalyqtarmen bólisti. Olardyń ishinde, memlekettik kórsetiletin qyzmet salasy, sybaılas jemqorlyqtyń aldyn alýdaǵy jańashyldyqtar, elektrondy qyzmet alý, ózine ózi qyzmet kórsetý salalaryndaǵy ózgeristerdi de atap ótti. Osy sátti paıdalana otyryp, departamenttiń memlekettik kórsetiletin qyzmetter basqarmasynyń basshysy Jasulan Marshakuly kelýshilerge ózine-ózi qyzmet kórsetý men elektrondy qyzmet alý túrlerin jáne qazirgi tańda iske qosylǵan «Sıfrlyq agent» mobıldik qosymshasynyń tıimdiligin túsindirdi.
О́zderiniń jeke suraqtaryn, oı pikirleri men usynystaryn tyńdap bolǵannan keıin, departament basshysy testileý zaly men qyzmetkerlerdiń jumys bólmelerin aralap, arnaıy ázirlengen paraqshalarmen barlyq basqarmanyń atqaratyn jumystaryn tanystyryp ótti.
Sóz sońynda Departament basshysy Nurgúl Almasqyzy jastarǵa qazirgi zaman aǵymyna saı, bolashaqqa nyq senimmen naqty maqsat qoıyp, ózderine degen senimdiliktiń joǵary bolý kerektigin aıtty.
- Bul uıymdastyrylǵan «Ashyq esik kúni» jastarǵa, bizderge jaqsy áser qaldyrdy dep oılaımyn. Sebebi suraqtarymyz, túsinbegen tustarymyz kóp bolady. Memlekettik qyzmetke endi ornalasqaly júrgen, eńbek shartymen nemese jastar praktıkasymen júrgenderge paıdasy bar. Shara qyzyq, ári bizge unady,deıdi Jaqsylyq Ábýbákir. Ol qazir Mańǵystaý oblystyq Memlekettik kirister departamentinde eńbek shartymen qyzmet etedi.
Gúlaıym ShYNTEMIRQYZY,
«Egemen Qazagstan»
Mańǵystaý oblysy