Oblys ortalyǵyndaǵy Dostyq úıinde 8 Naýryz – Halyqaralyq áıelder kúnine arnalǵan «Jumysker áıelder – elimizdiń basty qundylyǵy» atty óńirlik áıelder forýmyna Astana, Aqmola, Qaraǵandy óńirlerinen kelgen qyz-kelinshekter qatysty.
Jınalǵandardy oblys ákiminiń orynbasary Meıram Begentaev, Prezıdenti janyndaǵy Áıelder jáne otbasylyq-demografııalyq saıasat jónindegi ulttyq komıssııa tóraıymynyń orynbasary Elena Tarasenko, Azamattyq Alıans dıreksııasynyń basshysy Azıza Shójeeva quttyqtady.
Forýmda negizinen elimizdiń ekonomıkalyq, áleýmettik jáne saıası ómirdegi áıelderdiń rólin kúsheıtý, basqa da áleýmettik máselelerdi sheshý joldary talqylandy.
Shara barysynda Women garage Pavlodar atty qoldanbaly qolóner jáne zergerlik buıymdardyń kórmesi ashyldy.
Jıynǵa qatysqan elimizdiń Kásipodaqtar Federasııasy tóraǵasynyń orynbasary Muhtar Tinekeev te qatysyp, áıelder qaýymyn aldaǵy kele jatqan merekelerimen quttyqtady.
- Eńbek adam óz Otanynyń patrıoty. Sizder elimizde ekonomıka men óndiristiń damýyna belsendi qatysyp kelesizder. Statıstıkalyq málimetterge súıensek, elimizdegi halyq sanynyń 52 paıyzyn áıelder qurasa, qyzmet, basqa jumystarda - 48,2 paıyz áıelder eńbek etýde, dedi.
Jıynǵa Sharbaqty aýdany Shaldaı aýylynan kelgen Gúlnar Nurumova 8 ósirip tárbıeleýde. Gúlnar «Ertis ormany» rezervatynda eńbek etýde.
Gúlnardyń aıtýynsha, orman sharýashylyǵy mekemesinde jeńildikter qarastyrǵan. Jyl saıyn balalarǵa jazǵy lagerlerge joldama beriledi.
Jumysshylarǵa materıaldyq kómek kórsetiledi. Kóp balaly otbasylar úshin «Mektepke jol» sharasy qoldaý kórsetedi
M. Tinekeevtiń aıtýynsha, elimizdegi Kásipodaqtar Federasııasynyń 2 mıllıonnan astam múshesiniń 55 paıyzy - áıelder. Jáne 18 myńnan astamy bastaýysh partııa uıymdarynyń 67 paıyzyn áıelder basqarýda.
Qazir áıelder erlermen teń dárejede ekonomıkalyq, saıası ómirge qatysady.
Al, áıel adamdarmen erler aralas eńbek etken ujymda tártip pen baqylaý bolady.
Federasııa tóraǵasynyń orynbasary Elbasynyń tóraǵalyǵymen ótken «Nur Otan» partııasynyń XVIII sezinde halyqtyń ál-aýqatyn arttyrýǵa baǵyttalǵan mańyzy qadam jasalǵanyn atap ótti.
- Memleket basshysy az qamtylǵan jáne kóp balaly otbasylardy qoldaýǵa erekshe nazar aýdardy, - dedi Muhtar Tinekeev. – Respýblıkalyq bıýdjetten kóp balaly otbasyna ár balaǵa tólenetin 16 myń teńge 21 789 teńgege ósti. Bul bes esege joǵary. Nátıjesinde 830 myń adam qamtylady. Onyń ishinde 550 myń bala bar. Múmkindigi shekteýli bala tárbıelep otyrǵan ata-analardyń járdemaqysy 30 paıyz artady. Bul rette 100 myńnan astam adam qamtylady.
Sonymen birge, «Nurly jer» baǵdarlamasy aıasynda osy sanatqa jatatyn otbasylar úshin arendalyq baspana salynyp, 2-3 paıyzben jeńildikter kórsetiledi. Jergilikti bıýdjetten balabaqshalar men mektepterde tegin tamaqtaný, jol júrý, bilim alý, bıznesmender, kásipkerler az qamtamasyz etilgen kóp balaly otbasylarǵa úı salyp berý josparlanýda.
Farıda BYQAI,
«Egemen Qazaqstan»
PAVLODAR