1 naýryzda Rixos Almaty-da CFO Idea Exchange & Networking Event 2019 top-menedjerleri men basqarýshylarynyń jyl saıynǵy sammıti bastaldy.
Sammıt – Qazaqstannyń qarjy naryǵynyń ózekti máselelerin taldaý jáne sheshý úshin pikir almasýǵa arnalǵan dıalog alańy. Paneldik pikirtalasta jyl saıyn belgili saıasatkerler, álemdik deńgeıdegi qoǵam qaıratkerleri, halyqaralyq qarjy uıymdarynyń jáne bıznes-elıt ókilderi sóz sóıledi.
Sammıttiń plenarly sessııasynda sóz alǵan Vlsor Capital kompanııasy basqarýshy dırektory Almas Chýkın Qytaı Halyq Respýblıkasy ekonomıkalyq ósimin paıdalaný Qazaqstan úshin úlken múmkindik ekenin tilge tıek etip ótti. Oǵan kórshimizben aradaǵy ınfraqurylymdyq jobalardyń ózi qolaıly jaǵdaıdy qalyptastyryp otyr eken. «Ekonomıkalyq yqpaldastyqtyń biz úshin tıimdi tustary jeterlik. Jol saldyq. Endi eki eldi baılanystyratyn temirjol kerek. Bul jobany da qarjylandyrýǵa Qytaı jaǵy daıyn otyr», - deıdi Almas Chýkın.
Almas Chýkın Qytaımen sońǵy 5 jyldaǵy alys-beriste biz úshin eń tıimdisi
«Belt and Road Initiative» jobasy ekenin aıtyp ótti. Bul joba boıynsha 10 myń taýar tasıtyn poıyz 48 qalasyn, Eýropanyń 42 qalasyn, álemdik deńgeıdegi álemniń 200 memleketinde ornalasqan 600 portty qalany bir-birimen jalǵastyryp jatyr. Mundaǵy jyldyq qarjy aınalymy 29 mlrd AQSh dollary», - dep atap ótti Almas Chýkın myrza.
Qytaı eli tek sońǵy jyldary ǵana jer sharynyń ár núktesinde ornalasqan 400 portty satyp alǵan.
«2008-2018 jyldar arasynda Qazaqstan men QHR arasyndaǵy syrtqy ınvestısııa 18,51 AQSh dollaryna jetti. Bul, negizinen energsektor, metall, transport jáne qarjy salasyna baǵyttaldy» , - dep atap ótti Almas Chýkın.
CFO sammıti alǵash ret 2014 jyly ótkizilgen. Qarjy máselelerin, Qazaqstan ekonomıkasy men qarjy júıesin damytý perspektıvalaryn talqylaý úshin jetekshi platforma quryldy.
Aıta keteıik, sammıt qarjy naryǵynyń basqarýshylary men top-menedjerleri úshin uıymdastyrylady. 5 elden 30-dan astam spıkerler keldi. Kún tártibindegi ózekti taqyryptar – qarjy júıesiniń damý perspektıvalary, sońǵy ózgerister, trendter men ınnovasııalar, FinTech, sondaı-aq álemdik ekonomıkanyń mańyzdy máseleleri.
Gúlbarshyn SABAEVA,
«Eqemen Qazaqstan»
ALMATY